Danzbaar
Rundum rundum
rundum dideldum,
so danzt de Baar
sien Danz.
Rundum rundum
rundum dideldum,
de Danzbaar de
heet Franz.
Rundum rundum
rundum dideldum,
he hett dat leert
up Füür.
Rundum rundum
rundum dideldum,
he danzt mit vööl
Gedüür.
Salto
Hangen unner 't Zirkustelt,
Lachen in 't Gesicht,
flegen för dat nöderg Geld
tegen hör Gewicht.
Spölen mit de egen Nood,
wiesen 't elke Dag,
hollen för dat nöderg Brood
sülvst de Dood in Schach.
Fangen unner 't Zirkustelt,
Lachen in 't Gesicht,
hunnermaal en anner Held
mit sien heel Gewicht.
Föhlen mit hör arme Blood,
bamgen elke Dag,
hollen för dat nöderg Goot
sülvst de Mood in Schach.
Beate Briese: Zirkus
Clowns
De Clown, de hett
Scherbell'nskopp vör,
heet vööls to grote Foot.
De Harlekin
hett rode Nöös
un witte lange Hood.
De lüttje Mann
van Liliput
hett nix as blot groot Mood.
