Danae

vun Katja Renfert

Natüürlich hett Akrisios dat mit'e Angst kreegen, un so hett he de Deern in en Ruum insparrt un de Dör afslaten.

Danaes Gefängnis

Aver Zeus (latiensch Jupiter), de Böverst vun'e Greeksch Götter, wull partout to Danae. Plietsch, as he weer, hett he sik in gülden Regen verwannelt, un denn af dörch dat Dack, rin to Danae.

Dat Bild ünnen heet „Danae empfängt den Goldregen“ un is en Detail ut een rotfigurigen Glockenkrater ut Böotien, üm 450 vör unse Tietreken, un hangt in'n „Louvre“ in Paris.

Danae weer denn schwanger un kreeg ern Söhn Perseus, de uk „de Zerstörer“ nöömt woor.

Een Geschicht seggt, König Akrisios is nu in en anner Land utneiht; 'n tweete Geschicht seggt, he hett Danae un den lütt Jung in en Arche setten laten un den ropp op de See.

Op jeden Fall dacht Akrisios, nu is de Gefohr vörbi – aver nix dor! De beiden sünd nämlich reddt worrn.

Een Dag, Perseus weer intwüschen en jungen Mann worrn, kreeg he'n Inladung, bi'n Sportwettbewerb mittomaken. Sien Grootvadder weer uk dor, aver dat wüsst de beiden nich. As Perseus den Diskus smeet, lenkt de Götter dat Ding üm, so dat de Schiev an'n Kopp vun König Akrisios lann, un he sturv op de Stell.

De Bildhauer Gustav Seitz (boren 1906 in Mannheim, storven 1989 in Hamborg) hett 1968 en Skulptur vun Danae ut Bronze makt.

Analogfoto vun 2005

As ik de 2005 fotografeert heff, leeg se in'n Innenhoff vun de Gynäkologie vun dat Universitätskrankenhuus Hamborg-Eppendörp, in'e Martinistraat 52.

Intwüschen liggt se, tosamen mit annere Skulpturen, achter dat „Erika-Huus“.

Dor is, mank de gröönen Bööm un Planten, en richtigen lütten Skulpturen-Park.

Gustav Seitz hett al 1934 en Reis na Grekenland maakt. Villicht hett em dat inspireert för sien Vörstellung vun Danae.

Mehr över den Künstler Gustav Seitz köönt Se hier kieken.