Vun Fröhjohr na Lent

Biller vun Erwin Holldorf, Wöör vun Marlou Lessing


Se köönt de Biller per Klick vergröttern.
Trüch kaamt Se denn mit'n Zurück-Knoop vun'n Browser.

 

Märzmaand

 

 

 


Wattenmeer bi Simonsberg

ut dusend adern blöödt de eer
ut dusend adern löppt
ehr bloot alltieden hen un her
dat grote blood, dat nöömt sik meer
höörst du, wa't rusen röppt?

ut dusend adern ströömt't di to
un ströömt ok vun di af
du föhlst dat an di trecken: so...
dat hett, as du, nich ehrder roh
as nienichmal in't graff...

 

April

 

 

 


Moorlandschap

ok dat landmeer, dat moormeer is sachten terflücht
vun reegn vun pahls un vun büsch.
se loopt nich so wied, as de horizont lücht;
se loopt man so wied, as du gahn kannst un müchst.
an kräften is düt land di över, doch driggt
di sachten de moorige wisch.

Alle Kalennerbläder hier
27.2.2011

trüch


na baven


na't Flack

na de Startsiet