Bawhus-LogoDat Bawhuus, Deel 9:
Joost Schmidt

Van Ludgerd Lüske


Disse Biller sünd nich originaol, sünnern ein digitaolet Anlähnen van Ludgerd Lüske. Sei käönt dei mit'n Anklick vergröttern. Trügge geiht dat denn mit den Zurück-Knoop (Trügg-Knoop) in den Browser (Bruuser).

PorträtJoost Schmidt is an' 5. Januar 1893 in Wunstorf in Nedersassen up dei Welt kaomen. In Hameln wörd hei groot. Van 1910 an studeierde hei as Stipendiaot van dei Hochschaule för billende Kunst in Weimar Maolerei.

1914 harr hei sien Diplom för Maolerei. In' Eiersten Weltkrieg was hei Soldaot. 1919 kööm Joost Schmidt wedder trügge nao Weimar. In't Bawhuus schlööt hei eine Lehre as Bildhawer mit dei Gesellenprüfung af. Bi sien Mitwarken in dei Druckerei füllt hei mit dörriepede typograofischke Arbeiten up. Tau ein Utstellen, 1923, läe hei veier Wandreliefs för dat Vestibül van't Haupthuus an.

B'sünners an't Bawhuus möch man "Schmidtchen" gerne wägen sien Minschsien lien un man schätzde sien bestet pädagogischket Käönen. In' Harvt 1925 kreg hei dat Leit äöver dei plastischke Warkstäe an't Bawhuus in Dessau. 1928 TypogrammÄövernöhm hei uk dei Druckerei, vordem harr J. Schmidt all Unnerricht för Schrievteiken gäben.

Brillante Utstellungstechnik was sien Markenteiken. As dat Bawhuus in Dessau schlaoten wörd, warkede he 'ne Tied bi Hugo Häring un an dei Reimann-Schaule in Berlin. Et duurde nich lange, don wörd üm sien Beruf verbao'n un hei möß sik mit einfache Arbeit wat tau'n Läben verdeinen. Wenn't Läben uk weerig was, so unnersöchde hei van 1938 bit 1944 heel g'nau dei Farvenwelt. Siene Geschichte äöver Perspektive kreeg hei aover nich up'n End. Van 1944 bit 1945 wörd Schmidt nochmaol wer introcken. Nao dissen leßten Kriegdeinst güng hei 1945 wer trügge nao Berlin, wor hei an dei Hochschaule för billende Künst eine Professuur kreeg. Hei kreeg dat Leit äöver einen Vörkurs för Architekten un was tau dei süftigen Tied Chefgraofiker an dat American Exhibition Center. An' 2. Dezember 1948 störv Joost Schmidt in Nürnberg.

Please download Java(tm).

Please download Java(tm). Joost Schmidt, dei Bawhuusmann par excellence, ist bi dat Äöversiedeln nao Berlin ut dat Bawhuus utträen. Üm fählde dor dei lebennige Unnerricht, un hei schreef dortau: "...Erziehung schall den Minschken heel anspräken, harmonischk den Sinn för dei Laoge van Gefeuhl- un Verstandeswelt utbillen, dei kreative Imaginatschion anstöten un upbleihen laoten." Dat Bedü'en van J. Schmidt sien Wark ligg tüschken freie un praktischke Kunst. Sien Haupttalent wiest sik woll in sien Skulptuurwark. Dör den Krieg is aover ein groten Deil van sien Wark twei gaohn.

Links:




trüch


na baven


na't Flack

na de Startsiet