Kasper küërt

vun Jürgen Brake


Ek ligg met miene Bröüërs im schwatten Kassen —
en Kusen Holt met bunte Lappen dran.
Mi es en grouten Schnüffel wassen,
däi Kopp es grouwet Schniffelwiärks, dat Lief en Schlotterjan.

Doch doudet Holt wätt vull van Liäwen,
daut en Minsch däi Hand mi giëwen.

Dann sing ek: Tri-tra-trullala
un tri un tra un trullala!
Däi Kasper, däi es wiër dao!

Dann lach ek üöwwer alle Suorgen,
un it, it lachet ouk met mi.
Vandag' es Kiärmiss, Arbäit es äiës wiër muorgen.
Vandag' es Fiërdag för di un mi!

Un ek sing: Tri-tra-trullala
un tri un tra un trullala!
Däi Kasper, däi es wiër dao!

Vi frei't us üöwwer alle Maoten,
wann ouk däi Düwel kritt sien Fett.
Vi wellt däi Puppen danzen laoten.
Kummelgenspiëllen, dat es nett!

Un ek sing: Tri-tra-trullala
un tri un tra un trullala!
Däi Kasper, däi es wiër dao!

Hiäs Piene du, dann laot di raoten:
Kiek hi in mien Triaoterschapp!
Vi wellt däi Puppen för di danzen laoten,
dann büsse wiër terächte un makes nit mäh schlapp!

Dann sing ek: Tri-tra-trullala
un tri un tra un trullala!
Däi Kasper, däi es wiër dao!

Däi griese Welt wätt bunt, dat segg ek di,
met'm Stücksken Holt, en biëttken Stoff un 'ne Handvull Fantasie.


Fotos Rudi Witzke
14.7.2009

trüch


na baven


na't Flack

na de Startsiet