Dei Binnensiete van den Kürbis

Klick up tau'n Vergröttern!

Ein Kürbis ligg up den Käökendischk,
van buten fein rund un moje frischk.
Neiwinnig schnier ick den sachte aopen —
up wat kunn ick woll binnen draopen?
Ein Wunner-Gadder ut ein wäwtet Band,
so hang dit oraonge Wark anne Kürbiswand.
Ein verdraihtet Kaobelnet ku‘m aohnen,
dat lätt at fiene Schaltkringbaohnen.
Oh, ein mojet Wunner verstäck sick,
wiest dei Natur us so neie Technick?
Pläöne för ein digitaolet Bedriewen,
ick wunner mi, dau mi dei Ogen riewen.
Wat us son Kürbis aale lern kann,
dei Naur treckt us in ehren Bann.
Kürbisse staoht uck för Harwst un Frucht,
un dei Winter kummp mit minne Lucht.