Limericks för September

van Ludgerd Lüske

Sägelfleigen

Harm wull bi'n Texas Airport in einen Sägelfleiger mitfleigen,
bange was hei tüschken dei Wulken nich, aohne Leigen.
An einen Staohlreip steeg dei Fleiger gau nao baoben,
dei Flünke suusden fien un wörden dör die Wulken schaoben.
Up maol güng et liek daol — dei Wind dö ehr bedreigen.

(Hett Texas en Airport in Cloppenburch?
Woso bloots? Dat geiht mi dör'n Koppen durch.
Wenn d' in Varrelbusch landst,
denn hest di verfranzt.
Na Texas geiht't över Charlottenburch!)

Supermarkt-Priese

In't Naoberdörp möök dei Supermarkt neie Priese,
mit ein Priesblatt wörden dei Lüe dat wiese.
Krabben un Tropi-Sünne wörn dor praot,
uck geef't Ad-Blue un Iesbarg-Salaot.
"Bi Ad-Blue giff't woll kienen Drink-Halm?", fröög Opa liese.