Notizen ut'n Christmaand


"wille nacht
jachterig nacht
allens blinkt
nümsnich wacht..."

de wildworrn wiehnachtsterrorgoorn,
de blinkt un funkt in neonpracht,
luudsprekers geevt wat op de ohrn,
tofällig is dat "stille nacht".
dat hillig poor kriggt nacht un dag
en herbarg hier op jeden fall,
man josef sä: "kümmt nich in fraag!
hier bliff ik nich — nich mal in'n stall!"

so is de blink-las-vegas-goorn
nich jesus sien geboortssteed worrn.

 

de wooldbülg atent, heevt sik —
unbeweegt dorünner
graast dat damwild.

 

de nevel treckt weg
en feern dunkel wand —
mose deelt dat meer


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet