Notizen ut'n Christmaand


ünner nevelhuut
dat düüster hart
— vun de eer weg weiht
sien rosenklörig slag

hooch kiekt de vagel em na


noch gifft dat höpen
en streek vun guld in't morgenlicht
un de toflucht
vör all de tied, de op uns töövt
de toflucht in dat stille, sachte gries
dat bloots schadden kennt
un swatt

gah vörbi, tied
mit dien guld in't morgenlicht
un dien schreckliche schöne verspreken
gah vörbi
laat mi hier rohn


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet