Notizen ut'n Heumaand


leevlos
as de wööst
as de güüst
— de wulken
bloots witze,
de nienie keen regen bringt

de windrööd fuchtelt
de hitten op

leevlos
as de güüst

— leev
los!


 

blootmaand

dat afbild vun maand
un mars
an'n heven
un spegelt in
mien autodack —

bloots dat afbild
kann ik verstahn
höört mi to
de rest höört
den dunkeln woold


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing

3.2.2019

trüch


na baven


na't Flack

na de Startsiet