Notizen ut'n Braakmaand

dat leven hangt an dünnen steel
un hangt doch fast un gröön
an düt een blatt, dat uns hier hält,
dat is uns noog, is all uns welt
— un is doch ok so schöön!

de anonyme graffstee
för Hanne Hinz

nüms kennt de minschen, de hier roht.
elk kennt hier man bloots een.
denk an de een, denn is dat good.
een steiht för all. dat hart is groot.
du wullt bloots bi ehr ween.

de fründin roht al lang in freed.
en steen deit gor nich noot.
de, de ehr kennt, kennt düsse steed.
— eendags verklingt ok unser leed.
nix blifft. un dat is good.