Notizen ut'n Märzmaand


s-bahn veddel

un strahlen sleit de wintermorrn
den schadden op de bahn,
dat dunkel strahlt, hell lücht de stadt;
de gleislüüd mööt ok gahn
in hell orange, man hebbt keen blick
för all düt, blievt nich stahn.

dat's man een glück!
denn in ehr rügg
— psst! — küsst sik kraan un kraan...
un över stadt un haven flüggt
ehr leev as witte swaan.


leed, na de melodie "winter ade" to singen

 

 

 

 

winter-allee,
sacht is de snee,
avers sin scheiden deit,
dat sik uns harten freit.
winter-allee,
sacht is de snee.

 

 

 

 

 

 

 

winter-kanaal,
smölten mööt all,
un dat ji smölten doot,
is nu ok endlich good.
winter-kanaal,
smölten mööt all.

 
     

 

 

 

winterlich brügg,
kiek nich torück!
is ok din nevel-riek
töverhaft, märken-liek,
winterlich brügg,
kiek nich torück!

 

 

 

 

 

nevlige morrn,
sünn is al boorn —
süh, wa se stiggt un stiggt
un an den nevel lickt!
nevlige morrn,
sünn is al boorn.


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet