Notizen ut'n Nevelmaand


 

dat geiht doch

dör dode bläer ehr dicke schicht
keem jüst noog licht
dat se de richt wüsst un sik truut
alleen in'n regen rut.
lütt heldenbloom! weer ik man so
— un sehg ik ok verstrubbelt ut —,
de welt weer sachs en beter steed
un allns üm mi weer froh.


de lütte fohrradschuppen an'n morgen (dodensünndag)

de dag geiht al för em mit schadden los.
klock teihn krüppt vörn de schadden övern rand.
man överall is diegen:
en langsaam wassen pelz vun moos
diggt hier, un ok de schuppenwand
lett vun ehr schuppendrakenkant
ehr schaddenzacken fliegen.


dat niege Strohdack (Hamborg-Volksdörp) Seedörp

anfang

een strahlen is, en stille exploschoon,
een füerwark, en stillstahn guldregen.
wat is't? wi seht hier noch
as dör en spegel in en düüster woort,
man eiß warrt wi weten.

Sebarg Sebarg


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet