Notizen ut'n Nevelmaand


o postauto, wat hest för'n süük, dat du di baven farvst
mit bunte placken op din rügg? — keen süük nich! ik heff harvst.


panierte snee! he höllt nich mehr.
de rest is al lang hin.
he is ok nich paniert, de bläer
sünd as in deeg rosien.


 

 

opleevst weer dat finster
en slaten wand.
kannst so streng ween, as du wullt,
so rechtwinklig un steril,
nix hölpt
gegen de gesichte, de vun buten rinsweevt,
dörsichtig de heven,
dörsichtig de boom,
dörsichtig, as weern se sülven finster,
bloots
ahn grenz.


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet