Wi sünd en Krink vun 25 Plattdüütschsnackers, de sick siet twee Johren jeed twete Week op Videolink drööpt, üm över verscheden Saken to snacken, praten un küren — also en Twüschending mang AG un Stammdisch! Dat Besünnere: Dien Platt mutt nich perfekt sien — wi sünd tomeist all eerst korte Tied Plattsnackers orr lehrt dat noch! Wi wüllt eenfach en beten Praxis hebben! Un: Dien Dialekt is ok egaal — wenn düt hier nich "dien Platt" is, kaam liekers rin un snack mit!

De Deelnahmers wahnt in verscheden Delen vun Düütschland, Skandinavien un Brasilgen, un wi hebbt uns al veertig Mal drapen. Jeedeen Deelnahmer kann egen Saken bidragen. Op düsse Wies hebbt wi to 'n Bispill al vun unse Hobbies vertellt, Geschichten leest, Böker vörstellt, Theater speelt, sungen un tosamen veel Pläseer hatt!

Viellicht wullt du jo ok mal bi uns rinsnuppern? Denn stüer mi en E-Breef to!

...achtern mit "se" för Sweden!

Hartlich Gröten ut Stockholm

Michael