Winter

Biller vun Thomas Seemann, Wöör vun Marlou Lessing


Januar

ieskanaal

de eer woor fungen vun ehr küll
un in den moorkanaal
stunn traag bewegen sinnig still.
de brune torf verhöll un füll
in starre. un se all
ümfaat de sünn, en spröde hüll
ut leevlich-schragen strahl.

de eer woor fungen in ehr küll,
hangt reglos in dat blage all
un lett sik sülvst nich daal.

 


 

Februar


Krabbenkutter Gerda-Katharina

krabbenkutter

gerda links, kathrina rechts
haalt ut't woter dat granaat,
gerda rechts, kathrina links,
achterran ehr möwenstaat —
mit de soltig-söte fracht
stüürt se op de sünnenstraat,
kiekt nich links, nich rechts;
wieldess dat johr bedächtig wacht
op land un see un wulkenslacht
bi minus söben graad.


Översicht över de Klennerbläder
5.1.2014

trüch


na baven


na't Flack

na de Startsiet