Utfloog na Sprötze

vun Katja Renfert

Anfungen hett allens Anfang März, as ik Maandag morgens in unsen Bioladen to'n Inköpen weer. Dor leegen Flyers vun de "HanseArt-Kunstmesse" in Lübeck.

Achtern op'n Flyer weer de Naam vun een Künstlersch, Anne Beecken, Malerin, un dor weer ok 'n Inladung, ehr dor to besöken — wenn ik düsse Inldung mitnehmen wöör, denn bruuk ik uk nix to betalen.

Ik dacht, na, denn fohr ik Sünnavend doch mol wedder na Lübeck un kiek mi an, wat dat bi de Kunstmesse allens to sehn gifft!

Teknen: Jutta Bredow

Anne Beecken heff ik dor an'n 12. März denn uk persönlich kennenlehrt, un se hett mi en Heft mitgeven, wo dat ganze Programm binnen is vun heidekultour.de.

In't Vorwoort schrifft de Landrat Rainer Rempe ut Winsen:

"De 50 utwählt Veranstaltungsorte laden uns alle in, sowohl de landschaftliche Schönheit as uk de kulturelle Veelfalt in'n Landkreis Harburg op stimmungsvulle Art un Wies to entdecken."

An'n 30. April un 1. Mai 2016 hebbt rund 200 Künstlerinnen un Künstler Konzerte geven un Lesungen, hebbt to'n Danzen inladt or in ehr "Open Ateliers" wiest, wat se allens maakt.

De eersten Biller in den Kunst-Tunnel

Sünnavend weer ja so'n Schietwetter, aver pünktlich to'n 1. Mai keem de Sünn ruut, un ik denn namiddags af to de Bahn. Ik wull Anne Beecken in Sprötze besöken, un in dat Heft harr ik sehn, dat ehr Naversch uk en Künstlersch is, de maakt Skulpturen mit en Kettensaag. — Na, wenn dat man nix is. Ik weer all bannig nieschierig!

Sprötze is vun Hamborg ut man blots een Station achter Buchholz.

De Kunsttunnel

As ik dor ankeem un dörch en Tunnel mutt, tööv op mi de eerste Överraschung: in'n ganzen Tunnel luder bunte Billers!

As ik denn na buten keem, de tweete Överraschung: en Maiboom!

Wat ik vörmiddags allens verpasst hefft, is hier to lesen.

Een Stück wieder seet 'n Fru un strahlt mi an. Ik segg, ik bün ut Hamborg un will hüüt de Künstlersch Anne Beecken un Sylvia Itzen besöken, wo geiht dat denn langs?

De eerste Skulptur vun Sylvia Itzen

De Fru wiest mi den Weg un segg, glieks üm'e Eck sünd all twee Skulpturen vun Sylvia Itzen!

Tja, dor weern se all!

Hier baven de tweete Skulptur vun Sylvia Itzen, mit mien "Möwi" (wegen dat Möwen-Foto) dorvör. De Rollkoffer "Möwi" is mien Signatur.

Ik gung nu wieder to Anne Beecken, de sik freit hett, dat ik ut Hamborg kamen bün.

Bi www.licht-und-leinwand.de is allens över eer to kieken.

Na'n Tied bün ik denn to Sylvia Itzen wiedergungen. Düsse Deerten hefft mi den Weg wiest.

Allens över Sylvia Itzen is hier op ehr Webiet to sehn.

Wieldem de Bahn blots eenmal in'e Stünn torüch na Hamborg fohrt, dacht ik, denn gah ik uk na to dat "Heimatmuseum Vierdörfer Döns" in de Niedersachsenstraat 22, Intritt free! (Spennen sünd natüürlich willkommen!)

Dor is en Utstellung över de Landwirtschaft, un dor maakst grote Ogen, wat de Fruunslüüd vun Landfruunverein maakt hebbt: ut witte Bohnen, Ries, Hirse, Lavendel un mehr.

Dat sünd "Früchtemosaiken"!

Na so veel Kieken un Snacken weer dat denn uk Tiet, wedder to'n Bahnhof to gahn. Dor entdeck ik den groten Steen.

Nu wedder torüch na den Bahnhof dörch de "Tunnelgalerie Sprötze".

Düsset Bild ut de Tunnelgalerie wiest to'n Afscheed poor Impressionen vun Sprötze

As ik wedder baben op'n Bahnstieg weer, seeg ik noch de bunten Bänner vun'n Maiboom, de mi to'n Afscheed towunken.
Allens tosamen weer dat een wunnerschönen 1. Maifierdag!