Stele
|
Steenpark Warder
van Antje Heßler
Se köönt de Fotos per Klick
vergröttern.
Trüch kaamt Se denn mit den Zurück-Knoop op de Browser-Symboolliest
So as ümmer seet ik avends vör
den Fernkieker un harr de Regionalnarichten inschalt. Dor lepen en poor
Biller vun dat Sleswig-Holsteensche Musikfestival SHMF över den
Bildschirm. "Oh, wat weer dat? Dat weer ja de Steenpark Warder!"
Hellwaak keek ik mi de Biller an. Up Steen, de as Bläder vun den
Bildhauer Ben Siebenrock utarbeit weern, seten de Künstler vun
de Sängergrupp "Bidla Buh".
Dat Anwesen mit de Skulptur "Lichtblick"
De Tehn
|
Den Steenpark Warder un sien Künstler
Ben Siebenrock kennen wi al siet 2009. Up den Priwall stünn johrelang
de grote Tehn ut Marmor vör dat Krankenhuus. De Skulptur weer vun
Ben Siebenrock. Sietdem dat Krankenhuus upgeven is, kann man den Tehn
vör de Dorothea-Schlözer-School in Lübeck bewunnern.
De Künstler Ben Siebenrock, ganz
komodig
|
Glieks na dat Bekanntwarrn vun den Steenpark
Warder un den Künstler Ben Siebenrock an 7. Juli 2009 dörch
Peter Harry Carstensen güng uns Fohrt na Warder. Dat Begeevnis
weer groot in de Kieler Norichten künnig maakt woorn.
De smucke Allee
Bläder in Steen keen Fossilien,
sünnern en töverhaftig schönes Kunstwark
|
För uns weer dat gor nich so eenfach,
den Steenpark Warder to finnen. Överall stünnen Schiller na
dat Kieswark Warder. Wi wullen aver den Steenpark Warder
besöken. Kies is twoors ok Steen, streng nahmen aver doch
heel lütte Steen... So söken wi, bit uns een ut dat Dörp
verkloor, dat de Skulpturenpark in den Park vun Gut Seehof weer. Un
de Park gehöör den Besitter vun dat Kieswark. Endlich funnen
wi den Ingang! En smucke Allee, mit ole Bööm bewussen, bröch
uns na dat Anwesen. Dor begrööt uns en fründlichen Mann
un wies uns, wo wi parken kunnen. Denn stell sik ruut, dat weer Ben
Siebenrock!
Kastangelblatt in Steen
En Steenekenblatt hett düssen Steen präägt
Dat Pappelblatt, dat sünst so licht fallt,
liggt hier ganz fast
Wenn man hüüt vun den Steenpark
Warder snackt, is de Naam vun den Künstler Ben Siebenrock nich
mehr wegtodinken. Vele Veranstaltungen findt in den Gootspark un in
de renoveerte Schüün statt. Siet 1996 arbeit Ben Siebenrock
al mit de Firma Glindemann tosamen. Dat Material för sien Skulpturen
ut Steen halt he sik wohraftig ut de Kieskuhl!
De wunnerschöne Park
Dat "Hart vun Steen"
|
De Park an den Warder See weer en wunnerboren
Placken för grote Skulpturen. Landschop un Natuur weer en tosamen
hängend grotartig Kunstwark. Ben Siebenrock hett Findlinge ut de
Iestied bearbeit, hett Skulpturen dorut maakt. De Skulpturen kunnen
in den Park bewunnert warrn.
Düsse Besöker hett aver gor
keen Hart vun Steen!
|
De Skulptur "Pilze"
|
De Firma Glindemann kunn mit den Steenpark
Warder vörwiesen, dat mit den Afbu ut de Kieskuhl nich blots Beton
för den Stratenbu maakt warrd.
Un nu warrd de Park ok noch en Begegnungsstell
för anner Künste un Künstler. Warrd sotoseggen en Open-Air-Galerie.
Dor kann man blots veel Glück wünschen.
De Skulptur "Thron" extra mit
en Königin dorop!
|