Fröhjahr

Biller vun Elke T. Weißleder, Wöör vun Marlou Lessing


Se köönt de Biller per Klick vergröttern.
Trüch kaamt Se denn mit'n Zurück-Knoop vun'n Browser.

März

de apen weg
versperrt, dat slaten
finster apen;
de höltern chor mahnt: wohrschuug
vör see un heven, de de bööm
wiest un verwehrt, wohrschuug
vör so veel transparenz —

de slag an't hoffdoor is
din verdarven —
gah eenfach dör!

 

 

 

April

min borg, min barg,
min wunnerwark,
'neem leven wahnt,
vun'n oostermaand
warmt un bewacht —
min huus, min dach!

min bült vun leven,
min nich-ganz-even,
min wurtenknubben
mang waterdruppen,
min blööd in't watt,
min himmelsnatt!

kaam, oostermaan,
schast bi mi wahn'n,
kaam, horizont,
ümschaddt, besonnt,
kaam, allgewalt,
de stiggt, de fallt —
kaam, blanke hans!
un allns, wat aten hett —
wi höört us ganz.
wi maakt dat leven wett.


Mehr vun de Künstlersch hier:
Elke Tegtmeyer, "Begegnung in Raum und Zeit"
Book on Demand,
ISBN 978-3-8391-0799-7, 16.90 €

Alle Kalennerbläder hier
7.3.2010

trüch


na baven


na't Flack

na de Startsiet