Dei Artemis-I-Mission: Orion kummp heile trügge

van Ludgerd Lüske

Orion hang bi't Waotern noch an dei drei Fallscherme. Bild-Daoten: NASA. Klick op tau'n Vergröttern!

Dei Orion-Ruumsonde schwemmt in'n Pazifik. Bild-Daoten: James M. Blair, NASA. Klick op tau'n Vergröttern!

An den 11. Dezember 2022 üm 12:40 Uhr EST waoterde dei Orion-Ruumsonde van dei Artemis-I-Mission, nao eine 22,5 Daoge duuren Mission nao'n Maond, in den Pazifik. Dei Fluglotsen in dei Kontrollstation an dat Johnson Ruum-Zentrum van dei NASA in Houston möken bold twei Stünnen lang Tests in dat aopen Waoter, so kreeg man noch mehr Daoten äöwer dat Ruumfohrtüg. Dei NASA-Lande- und Inhaol-Mannschkup nöhm Orion an Bord van dei USS Portland. Dei Bargemannschkup mök eine Riege Biller van dat Ruumschipp, vördem sei dei Ruumkapsel in dat Welldeck van dei USS Portland trecken dö. Dat Schipp feuhert dornao trügge nao den US-Marinestandort San Diego, wor Ingenieure Orion van dat Schipp haolt för den Trüggetransport nao dat Kennedy-Ruumzentrum in Florida. Orion schall dorför woll an den 13. Dezember wedder an Land kaomen.

Bargeschipp USS Portland. Bild-Daoten: Wikimedia (Wappen), Wikimedia (Schipp). Klick op tau'n Vergröttern!

Orion in dat Welldeck van dei USS Portland. Bild-Daoten: Wikimedia, U.S. Navy Foto van John F. Williams. Klick op tau'n Vergröttern!

"Orion is van den Maond trüggekaomen un staiht wedder heile up den Planet Ern", sä Mike Sarafin, dei Baos van dei Artemis-I-Mission. "Mit dat Waotern is us dei Orionflug in den Weltruum glücket, wor alls väl bäter güng as wi dachden, un dat Orion dei roren Ümstände uthollen kann, wenn et van Maondgeschwinnigkeiten dör dei Erdatmosphäre trüggekummp."

Dei Weltruum-Tourismus nimmp rasant tau. Bild Ludgerd Lüske

Kein Wunner bi den Utkiek!

NASA: Orion kummp trügge
NASA: Orion waotert in den Pazifik