Dei DART-Satellit dröpp Dimorphos

van Ludgerd Lüske

Weltwiet kiekt Teleskope up dat Asteroid-Poor Didymos un Dimorphos. Bild-Daoten: dart.jhuapl.edu
Klick up tau'n Vergröttern!

Dei groote Dubbelasteroid Didymos un sien Mini-Maond Dimorphos käönt use Eern nich schaoden. Dör den Upschlag van eine 610 Kilogramm schwore Sonde up den Mini-Maond van Didymos mit eine Geschwinnigkeit van bold 22500 km/h kann dei NASA dei weltwiet eierste groote Verteidigungsmission affschluuten. Disse Mission werd Double Asteroid Redirection Test off DART neumt. Dat DART-Ruumschip schlög üm 19:14 Uhr ET up Dimorphos up, dorbi hörde et mit dat Bildäöwerdrägen nao dei Eern up. Biller van den Upschlag un wat dornao kummp, knipst van LICIAKas, bruukt ein poor Daoge, bit dei nao den Upschlag up dei Eern ankaomt.

Buwark van dat Copernico-Teleskop up dei Hochplaoten van Asiago, 90 km nordwestlick van Padua.
Bild-Daoten: Nordavind-Wikimedia

Dei Forschker-Mannschkup* werd mit boddenstaohn Teleskope ünnerseuken, off dei Dart-Upschlag den Ümloop van Dimorphos üm Didymos ännern dait. Dei Forschkers räket dormit, dat dei Upschlag den Ümloop van Dimorphos so üm 1 Prozent off bold üm 10 Minuten körter maokt. Dat naue Mäten, wo daone dei Asteroid afflenkt wörd, hört tau disse groote Testaktion.

Bild-Daoten: NASA/Johns Hopkins APL, NASA Klick up tau'n Vergröttern!

Asteroid Didymos (baoben lünks) un sien Mini-Maond Dimorphos, 2,5 Minuten vör den Upschlag van dei NASA-Ruumsonde DART.
Dit Bild nöhm dei DRACO-Kamera an Bord mit einen Affstand van 920 Kilometer up. Dit Bild was dat letßte, dat eine heele Ansicht van beide Asteroiden wiest. Didymos hätt einen Dörmäter van 780 Meter; Dimorphos is 160 Meter lang. Ut dei Längden un Sekunnenangaoven kannst wies warrn, dat dei Sonde mit ca. 20.000 km/h ünnerwägens wier. Dei hoge Geschwinnigkeit deint dortau, dat dei relativ lütte Sonde liekers einen hogen Impuls op den Asteroiden överdraogen deit.

Dei Norden van Didymos un Dimorphos ligg an dei Bäöwerkante van dit Bild.

Bild-Daoten: NASA/Johns Hopkins APL, NASA
Klick up tau'n Vergröttern!

Dat Bild baoven wiest den Asteroid-Mini-Maond Dimorphos, seihn van dei DART-Ruumsonde, 11 Sekunnen vör den Upschlag. Dei Bord-Kamera DRACO nöhm düt Bild mit einen Affstand van 68 Kilometer up. Dit Bild was das leßte, dat aale Dimorphos-Teile in sien Sichtfeld wiest. Dimorphos ist bold 160 Meter lang.
Dei Norden van Dimorphos ligg an dei Bäöwerkante van dit Bild.

Dat leßte heele Bild van den Asteroid-Mini-Maond Dimorphos knipsde dei Dart-Kamera DRACO mit einen Affstand van üm un bi 12 Kilometer tau den Asteriod un 2 Sekunnen vör den Upschlag. Dat Bild wiest eine Asteroid-Stäe, dei 31 Meter breit is.

Bild-Daoten: NASA/Johns Hopkins APL, NASA
Klick up tau'n Vergröttern!

Dei Norden van Dimorphos ligg an dei Bäöwerkante van dit Bild.

Klick up tau'n Vergröttern!

Bild-Daoten: NASA/Johns Hopkins APL, NASA; Bildbewarken: Ludgerd Lüske Klick up tau'n Vergröttern!

Dat Bild rechterhand is dat leßte Bild van den Asteroid-Mini-Maond Dimorphos vör den Upschlag.
Dei DRACO-Kamera an Bord van dat Ruumfohrtüg nöhm dit Bild up, ~6 Kilometer van den Asteroid weg un blots 1 Sekunne vör den Upschlag. Bi dat Äöwerdrägen van disse Upnaohme nao dei Eern passeierde dei Upschlag. So köm dor blots noch dit Bild-Deil an. Dat Deil-Bild wiest eine Asteriod-Stäe, dei 16 Meter breit is. Dat Deilbild stammt van dei inraohmte Stäe up dat Bild, dat dorvör knipst wörd. Dat wieset dat Bild baoven.

Dei Norden van Dimorphos ligg an dei Bäöwerkante van dit Bild.

So as in dat neegste Bild har dat leßte Bild, dat dei Sonde nich mehr heel senden kunn, utseihn.

Klick up tau'n Vergröttern!

Dei Hera-Mission, ein Programm tau dei der Weltruumseekerheitsaktivitäten van dei Europäischke Weltruumorganisation (ESA), schall 2024 starten un sick 4 Johre nao den DART-Upschlag mit dat Didymos-System draopen. Bi dei Mission van Hera werd dei Hauptruumsonde un ehre beiden mitfleigen Kassen-Satelliten (Cubesats) beide Asteroiden ünnerseuken. Besünners nau will man dorbi den DART-Upschlag-Kraoter ünnerseuken un uck dei ännerte Masse van Didymos. Dör disse beiden Missionen van NASA-DART un van ESA-Hera werd dat Wäten äöwer dei planetore Verteidigung wiss taunähmen.