Klimawannel: Ik bün al dor?

vun Uwe Mohr


Is dat fröhe Blöhen düt Johr een Teken von Klimawandel?

Föhrst dörch't Land, fallt besonders op, dat de Rapskoppeln al geel ward. Veer Wuchen fröher, as normal.Dor kümmt doch glieks de Gedanke op, dat mookt de Klimawandel! Wiel ik mi over nich besonders mit de Sook utkenn, heff ik mien Fründ, Niko Renkosik — he is Diplom-Meteorologe — frogt, op dor een Tosomenhang besteiht.


Foto Uwe Mohr

Nee, de fröhe Rapsblööt düt Johr, de lött sik nich as Ursook dörch de globale Klimawandel düden, wiel de Blööt von't Wedder in de letzten Wuchen, un nich direkt von de langjährige Entwicklung afhängig is. Denk wi an März letztes Johr. He weer dütlich köller, un somit de Rapsblööt veel loder as düt Johr. Dat sünd gängige, jährlige Schwankungen.

Wi Homo sapiens erlevt däglich, spörbor dat Wedder. För't Klima hebbt wi over keen Gespör, un wi künnt dat ok nich mit uns Sinne erfoten. Dat kann uns manchmol to gaue Rückschlüsse bringen. De Klimawandel mutt nämlich global un över längere Tied ankeken warn. Dat Smölten von Gletscher, Anstiegen von de Globaltemperatur un veele annere Faktoren wiest uns, dat Klima hett sik in de letzten Johr'n gau verännert. Utnohmen sünd enkelte Ereignisse as grote Överswemmungen, Dürren, starke Gewidder, over ok een fröhe Rapsblööt.


Klimadiagramm Hartenholm för 2013. Quelle: Uwe Mohr. Klick op to'n Vergröttern!

Allerdings kann man dat tiedige Blöhen nich de Klimawandel toschrieven. Dorför mut een Tiedruum von 30 Johr ankeken warn. Gern ward ok in letzte Tied dorfun sproken, dat de Globaltemperatur nich mehr anstiegen deit, odder sogor fallt. Dat is over nur de Fall, wenn een korte Tiedruum ankeken ward. Hölt man sik an de wichtigsten Grundlogen von de Klimaforschung, un mittelt över de letzten 30 Johr, geiht de Globaltemperatur kontinuierlich no boven. Dat sull uns lootens nu to'n Hanneln bringen.


6.4.2014


na baven