Dat Kruut för'n Braakmaand: Artischocke vun Anke Nissen Cynara scolymus / Cynara cardunculus |
|
|
Anner Namen: |
Französisch Artischocke, Gröön Artischocke, Kugelartischocke |
|
Bestanddelen: | vele Bitterstoffe, dorto Folsäure, Inulin un Kalium | |
Sammelt warrt:
|
Bläder, Folia cynarae, in'n August |
|
Warrt bruukt: |
|
|
So warrt't anwendt: |
fardig Präparate ut de Apotheek,
|
|
|
||
Bi
enen Bummel dörch den Krüdergoorn in Stolpe heff ik en Gewächs
photographiert, dat so'n beten na en Distel utsehg. Mi gefüll
de Plant to un to goot. Se weer richtig dekorativ un photogen.
Up en lütt Schild stünn, dit weer ene Artischocke. Bet nu harr ik noch nie wat mit ene Artischocke to kriegen hatt. Man nu wull ik doch beten wat mehr vun ehr weten. In miene ganz ollen Krüderböker kunn ik eerstmal rein gor nix över de Artischocke finnen. Aver denn! Bi Adam Lonitzer, dor lees ik:
Dorbi keem mi denn glieks Johann Wolfgang von Goethe in'n Sinn, de sall de Artischocke kennt un schätzt hebben, vör allen as "Aphrodisiakum". Christiane Vulpius hett de Plant dorüm in ehren Goorn wassen laten. Leonhard Fuchs, de een vun de bekanntest Krüderböker vun't Middelöller rutbröcht hett, beschrifft de Artischockenplant al heel genau. Bi em warrt de Artischockenbläder to'n Entgiften bruukt, de Wörteln aver as anregen Mittel in Leevssaken. |
||
|
||
De Artischocke is en bannig olle Kulturplant. De Griechen un Römer hebbt de Artischocke as Gemüüs eten. De Artischocke weer wat Besünners, se weer wat för Lüüd, de wat vun goot Eten verstünnen. Blots rieke Römer kunnen se sik leisten. De Greken un Römer wüssen aver ok al, dat de Artischocke helpen kunn bi Besweer vun Maag, Darm un Leber. In't 16. Johrhunnert weer de Artischocke en Gemüüs blots
för Könige un rieke Lüüd. |
||
|
||
De Naam kümmt wohrschienlich vun dat arabisch Wort "al harsuf", dat bedüüdt "distelordig Plant". Un dat is se würklich, de Artischocke, se süht ut as Disteln. Ik denk dor blots as Bispill an de Mariendistel. De Artischocken-Plant hett enen mächtigen, uprechten Stengel.
Se kannn bet 2 m hooch warrn. Se tellt to de süüdländisch
Distelorten. Veel is dat würklich nich, wat ik vun de Artischocke vertellen kann, man dat mütt doch würklich jedereen togeven, se is en staatsche, en wunnerschöön Plant. |
||
31.5.2008 |