Dat Kruut för'n Christmaand: Herzgespann vun Anke Nissen Leonurus cardiaca Familie Labiaceae = Lippenblütler
|
|
|
Anner Namen: |
Bärenschweif, Echtes Herzgespann, Engeltrank, Herzgold, Herzheil,
Herzkraut, Herzkräutl, Herzspannkraut, Löwenschwanz, Wolfskraut,
Wolfstopa, Wolfstrapp. |
|
Sammelt warrt:
|
dat blöhen Kruut (Herba leonuri), vun Juni bet September |
|
Warrt bruukt: |
as Help för't Hart | |
|
||
Ut mien Drogistentiet kenn ik Herzgespann nich, wi hebbt dat nich as Heilplant in uns Drogen-Afdelung führt. Begegent is mi Herzgespann to'n eersten Mal, as Fründ Harry mi en lütt, handschreven Heft wiest hett. Sien Oma kunn püüstern, un in dit Heft harr se upschreven, wat se dorto bruuk, Spröök för de verschieden Lieden, un Planten Heilplanten. Dat Heft is olt uns' Fründ is sülvst al lang Grootvadder , de Schrift is krakelig, verwischt, de ole düütsche Schrievschrift, Sütterlin. Dorto hett se allens in Plattdüütsch schreven. 't weer männichmal swoor to verstahn. Man bi disse Grootmudder heff ik to'n eersten Mal vun "Herzgespann" leest. Kortens nu fünn ik enen Artikel, de Bericht geev, dat wissenschaftlich nawiest worrn is, dat en Extrakt ut Herzgespann dat Dörchblöden vun'n Herzmuskel verbetert. Und jüst gegen Probleme vun't Hart harr Harrys Oma dit Kruut bruukt! Ik find dat to'n Bewunnern, wat uns Vöröllern för'n groot Weten över de Heilkraft vun Krüder harrn. |
||
|
||
Herzgespann stammt ursprünglich ut Sibirien, wasst bi uns aver al lang binah överall, up Brachland, Schuttplätze, in Gräben... Leonhardus Fuchs schreev al 1543: Herzgespann wächst fast "allenthalben
umb die Zeun unnd bey den alten Mauern". Unbelastet Herzgespann-Bläder för enen Tee wörr ik in de Apotheek köpen. |
||
|
||
Dioskurides hett al in't Altertum Herzgespann as Heilkruut kennt. Vun't Middelöller an warrt dat bruukt as Mittel gegen Hartzittern un Hartkloppen. Leonhardus Fuchs schreev in sien "Kreutterbuch" 1543:
Dat
heet, dat Herzgespann to sien Tieden "Cardiaca" nöömt
worrn is, und dat de Plant dissen Namen dorüm kregen hett, wiel
se helpen kann dienlich is bi Hartzittern un Hartkloppen. Un över dat Wirken vun dat Kruut schrifft he:
|
||
|
||
Hüüt is dat wissenschaftlich nawiest, dat Wirkstoffe
vun'n Herzgespann
maakt, dat dat Hart beter versoorgt warrt un dat se ok dat Hart
entlasten köönt. Herzgespann wörr in fröher Tieden en groot Heiltöver tospraken. Dat heff ik düütlich rutmarkt, as ik in dat Grootmudder-Heft vun unsen Fründ leest heff. Wo veel Minschen hett disse Grootmudder wohl dörch dat Weten över de Natur un ehre Krüder helpen kunnt! |
||
28.11.2007 |