Dat Kruut för'n Harvstmaand: vun Anke Nissen Carum carvi Familie Umbelliferae |
|
|
Anner Namen:
|
Köömbloom, Köömkruut, Liefwehbloom, Drögen
Kümmel. |
|
Sammelt warrt:
|
Frucht (Fructus carvi) | |
Warrt bruukt:
|
helpt gegen Blähungen (dorüm deit de Huusfru geern Kümmel
in'n Kohl), helpt gegen Kolik, Kümmelööl (Oleum Carvi) warrt ut de riepe Frucht destilleert. Dat Ööl is goot gegen Blähungen un för den Maag (2-3 Drüppen up en Stück Zucker) un warrt bruukt för Snaps un Liköör. |
|
So warrt't anwennt:
|
Gegen Blähungen:
As Magenmittel:
|
|
|
||
"Kümmeltee,
Kümmelbroot Kümmel blöht eerst in't twete Johr. Blöhen deit he in'n Mai un Juni. Siene Samen sünd in'n Juli, August riep. Fröher hett 'n glöövt, Kümmel kunn helpen gegen
Geistervolk. |
||
Mien
Vadder harr Kümmel an'n leevsten, wenn de as kloren Snaps vör
em stünn.
Un vun mien Grootmudder warrt vertellt, dat se an ehren 80. Geburtsdag
enen Kümmel mitdrunken hett. Ganz verbaast hett se faststellt,
dat dit de Medizin weer, de ehr leef Mann Matheus sien Leven lang
dääglich innehmen müß. "In Kööm versuupt mehr Minschen as in't Water!" En Kööm-Broder is en Snapsbroder, en Süper. En "Kümmelspalter" is en
Minsch, de lüttkareert un giezig is. "Kümmeltürke" is hüüt
en mehr sowat as en Schimpwoort. |
||
Hüüt
is dat modeern, dat de jungen Lüüd sik Kissen vull Dinkel
orrer Weten ik heff ok en Raps-Kissen in de Mikrowell
hitt maken un denn up'n Nack orrer up'n Lief (jümmers dor, wo
de Wehdaag sünd) leggen. En junge Fru ut Algerien hett mi vertellt, wenn ehr Baby Buukpien
harr, hett ehre Grootmudder enen Büdel vull Kümmel up den'
lütten Buuk vun dat Kind packt. De algerische Fru se heet Suad hett mi ok vertellt, dat, so as bi uns de Lüüd mit Tüten vull Popcorn rümloopt un eet de Lüüd bi ehr Tohuus mit Tüten vull Kicherarfen rümloopt un eet, un in elkeen Tüüt warrt en lütt beten Solt un en lütt beten Kümmel streut. |
||
|