Bild: Kintaiyo/Wikimedia Commons

De ole Angler
Rudi Witzke

De Heven lücht up in alle Farven vun'n Rägenbagen,
liesing kümmt de Nacht dor achtern an de Kimm.
De ole Angler sitt alleen, indükert in de scheun Natuur,
to- un inbünnelt in de Farvenpracht.
He sinniert, de Piep in'n Mund, längs utbrennt, kold.
"Hier stünnen wi maal, de Söhn un ik. Jagdfever harr uns to faten.
Lang is dat her!"
De ole Angler leevt disse Stunnen twüschen Dag un Nacht
dor buten an de See.
In Emmer liggt keen Fisch. Und dat is ok engaal..
Noch eenmaal smitt hei de Poos mit Blie mit Swung in de See.
Denn packt hei in, wat Angler so mit sik slöpen.
He geneet de letzten Minuten in sien Welt dor buten,

Tohuus knistert dat Füür bald in'n Hierd, de Teekeddel summt.
Ne, Fisch gifft dat nich as Avendkööst.
Småltbroot un Tee dortau, dat is na sienen Smack.
Af nu in de Puuch!
Morgen mütt hei wedder ruut an de See.
Und wedder gifft dat avends Tee un Småltbroot mit Sålt.
Wedder weer keen Fisch in'n Emmer.

Hei angelt, dat mütt ji weiten, ahn Haken.
Aver dat weit bloots hei un de Fisch in de See.

Morgen is Sünndag:
Sien Naversch bringt em seker een Pann kross braden Hiering.
Orrer Stint?

Rudi Witzke
Dat mit ahn Haken angeln is Monika Klemmsteins Idee.


See in Irland. Bild na Wikimedia Commons

Angeln in d' Nacht
Thomas Seemann

Fröher, aver ok noch vandaag,
gahn wi in d' Nacht up Aal,
na d' Düstern ik nich frag,
dat is för mi eerste Wahl.

Meest wenn dat düster word,
de Aalen fangen an to lopen,
begünnt för uns de Angelsport,
up d' groote Fang wi hopen.

Karper sünd nachts up d'Luur,
aver ok de Wels of Zander,
faken kiek ik na d' mien Uhr,
tüsken de Angels ik wander.

Wi fungen bült Aalen in een Dag,
man harr tomaal bült to griepen,
heel faken een paar up'd Schlag,
un kunnen nich voel kieken.

Aver ok Stünnen waar nichts weer,
ut Thermos heete Koffje drinken,
ok manchmaal een, twee lecker Beer.
Sall groote Fang uns winken?

So blieven wi de heele Nacht,
avends bit mörgens manche Stünn,
holen heeltied up Angels wacht,
kummen weer bi d' upgahn Sünn.


Altes schwedisches Schul-Anschauungsbild: Aal und Wels


2.8.2009


na baven