Jade

Vörstellt vun Anke Nissen

1. Jadeit (selten un kostbor) = NaAl[SI2O6] = Natrium-Tonerde-Silikat
2. Nephrit = Ünnerafdeel vun Jade.
Beide Steen sünd bannig hart un sünd swor to ünnerscheiden

Wenn ik an Jade denk, denn meen ik de gröne Jade. Man se kümmt in heel veel verschieden Farven vör. Se variiert mank milchig witt un düüstergröön. De gröön Farv entsteiht dörch Chrom (Fremd-Bimengen)

Zentralasien, Hinterindien, USA

6,5 bit 7 (Diamant hett de Härte 10.)

Jade-Schale

Dat Jadekästchen

Oll Kollegin un Fründin Uta reist geern dörch de wiede Welt. Un af un to bringt se mi kostbor Dinge mit. So bün ik to wunnerboren Zimt kamen, de mit den, den wi hier köpen könnt, gor nich to verglieken is. Un so bün ik ok to twee ganz dünne Jade-Schalen — naja, Jade-Schälchen — kamen. Se sünd vun satt deepdüüster-gröön Farv und sünd wünnerschöön. Un se hebbt enen egenen utpolstert lütten Kasten, dat ehr jo nix passert.

Ja — un disse Jade-Schälchen hebbt mi anreegt, en beten över Jade natolesen.

De Naam "Jade" sall vun "piedra de ijada" kamen, dat bedüüdt Lendensteen. As Jadeit un Nephrit bannig swor to ünnerscheiden sünd, warrt "Jade" as so'n Ort Oberbegriff för beide Steen bruukt.

Geschichte

Fröher hett man Jade as Heilsteen un ok as Schutzsteen bi Nierenbesweer nahmen, dorüm wohl de Naam "Lendenstein". Un wiel Jade so hart is, wörr Jade — un dor denn Nephrit — för Waffen un Warktüüch nahmen. Dorüm de Naam Beilsteen.

Jade — in ehr angenehm Gröön — is uns alltohoop bekannt dörch fernöstlich Schnitzereien — so as miene beiden Jade-Schalen —, man ok dörch asiatisch Smuckstücke.

Jade wörr in fröher Tieden geern as Amulett un Glückssteen dragen, se sull en langes Leven un einen lichten Dood garanteern.

In de chinesisch Kulturgeschicht speel Jade ene ähnlich Rull as Gold un Eddelsteen in in'n Westen. Siet de late Chou-Tiet (ca 3. Jh. v. Chr.) hett man glöövt, Jade wörr maken, dat de Dode — de Liek — nich verfuult. Dorüm hett man siene Doden Kleder antrocken, de ut mehr as 2.000 Jade-Plättchen (vun so 1 bet 5 cm Dörchmeter) bestünnen. Se leggten ok Jadestücken in in'n Mund, Nääs, Ohren un up de Ogen.

De ollen Ägypter hebbt glöövt, dat disse köhle Steen ene Seele goot na de anner Siet, in't Jenseits, bringen kunn.

In't präkolumbisch Mittelamerika weer Jade mehr wert as Gold.

Wirken un Legenden

Jade wirkt erfrischend.
Jade kann Freud ut deepst Seel schenken,
Jade kann friedvull Geföhl bringen.
Jade kann maken, dat een danken kann.
Jade bringt Entspannen för de Nerven.
Jade fördert den heilsam Slaap.
Jade symboliseert: Erneuern.

Nephrit is oft mit Jadeit verwesselt worrn. Dat Ünnerscheiden is nich licht. Nephrit wörr in prähistorisch Tieden — wiel he so zäh is — in de hele Welt för Waffen un Geräte bruukt. Nephrit gell as Steen, de rein maakt.