 |
|
Lapislazuli Vörstellt vun Anke Nissen |
|||||
|
|
Lapislazuli is en Mengels ut Mineralien, je na de Fundsteed kann
dat ünnerscheedlich utfalln. |
||||
|
Härte:
|
5 bet 5,75 (Diamant hett de Härte 10) |
||||
|
Vörkamen:
|
Vesuv, Albaner Berge, Chile, Afghanistan, Baikalsee, Bachara, Burma | ||||
|
Spezifisch Gewicht: |
2,45 - 2,95, dat schwankt, dat richt sik na de Dichte vun de inlagert Kristalle. | ||||
|
|
|||||
|
Namen
Lapis Lazuli is de Naam för den Steen as Schmucksteins, also de Juwelier-Naam. De Steen heet aver ok Lasurit, dat is sien Naam as Mineral. Sien düütschen Naam is Lasursteen. Nich verwesseln mit Lazulith! Dat is wat anners, dat is en Blauspat. De Naam stammt vun dat arabisch Wort "azul" = blaag un vun dat latiensch Wort "Lapis" = Steen. Över dat arabisch "lazaward" is denn dat mittellatiensch "lazurius" entstahn, dorna "lazulus" un toletzt "Lapis Lazuli". Un dat bedüüdt slicht nix anners as "Blaag Steen". En falsche Naam för Lapislazuli is ok "Blaag Malachit". Dat gifft ünnerscheedlich Nach-Ahmen vun düssen Steen:
Natuur
Lasurit is en Silikatmineral vun heel kompliziert chemisch Tosamensetten. Dat kümmt heel selten as Kristall vör, mehrst as dichte Masse. Berühmt is Lapislazuli för sien Farv: königsblaag, lasurblaag, düüsterblaag, oft dörchtrocken mit güllen Pyrit-Inslüsse. De Steen is undörchsichtig. As Smucksteen warrt an'n leevsten en Stein bruukt vun en deep Azurblaag. De Grundmasse vun dissen Steen is gries-kalkig. De inlagert lütten Kristallkörnchen vun den Lasursteen geevt den Lapis Lazuli de schöne, deep ultramarinblaag Farv. Inlagert Pyrit maakt dorto de güllen, flimmern, metallisch Flecken, disse Flecken sünd fröher oft as Gold ansehen worrn.
Wenn een dat genau nimmt, denn is Lapis Lazuli ut Kalk entstahn — Kalk, de veel dörchmaakt hett. In'n Binnern vun de Erd is he dörch Eruptionen hoochsmeten un denn wedder na ünnen dal suugt worrn. He weer groot Hitten un schweflig Dämpfe utsett. Anner chemisch Stoffe, Metalle, vermengeleerten sik mit em. He is dörch enorm hogen Druck to Marmor worrn un ünner ganz bestimmte Verhältnisse to Lapis Lazuli. Wirken un Legenden De Lapis hett jümmers enen Ehrenplatz bi de Minschen innahmen,
in ehre Mythen, ehre Märken, ehre Schatzkammern.
De öllsten Narichten över em — de een ok glöven kann — findt wi bi Marco Polo (etwa 1254 bet 1324). He leev 17 Johr lang in China un reiste in Gebiete, de Lüüd ut Europa dormals ganz unbekannt weern. Dorbi lehrn he in Badachschan (hüüt Amu Darja in Afghanistan) Lasurit kennen. Ok hüüt noch kann een dor schöne Stücke Lasurit finnen.
Künstler hebbt fröher Lasurit mahlen un de Farv Ultramarin-Blaag dor ut herstellt. Lapis Lazuli wart jümmers noch as Eddelsteen, as Smucksteen geern nahmen. Wi findt em as Steen för Ringe, Keden, Broschen...
Lapis Lazuli sall Truu un Toneigen bewohren können. He gellt as Steen vun de Weisen. Er symboliseert aver ok Inspiration. Miene "kloken" Böker — vun de mien leef Mann to geern seggt, dat weern de reinsten Hexenböker — vertellt:
Lapis Lazuli gellt as heel wirksam Meditations-Steen
un kann uns so Inspirationen bringen, man ok Stärke för
unsen Globen — un Güte.
|
|||||
|
22.3.2009
|
|||||
Natuur:
De
ollen Ägypter stellen ut Lasurit de bekannten Amulette in Form
vun Skarabäen her.
