Lapislazuli

Lapislazuli

Vörstellt vun Anke Nissen


LapislazuliNatuur:

 

Lapislazuli is en Mengels ut Mineralien, je na de Fundsteed kann dat ünnerscheedlich utfalln.
En chemisch Tosamensetten vun kristallinen Lapislazuli kannst so beschrieven:
(Na,Ca)8 [(SiO4,S,Cl)(AlSiO4)6] = Natrium-Aluminiumsilikat mit Schwefelgehalt, Natron-Tonerde-Silikat.

Härte:

5 bet 5,75 (Diamant hett de Härte 10)

Vörkamen:
Vesuv, Albaner Berge, Chile, Afghanistan, Baikalsee, Bachara, Burma

Spezifisch Gewicht:

2,45 - 2,95, dat schwankt, dat richt sik na de Dichte vun de inlagert Kristalle.

Namen

Lapislazuli. Foto: Anke Nissen
Lapislazuli. Foto: Anke Nissen

Lapis Lazuli is de Naam för den Steen as Schmucksteins, also de Juwelier-Naam. De Steen heet aver ok Lasurit, dat is sien Naam as Mineral.

Sien düütschen Naam is Lasursteen. Nich verwesseln mit Lazulith! Dat is wat anners, dat is en Blauspat.

De Naam stammt vun dat arabisch Wort "azul" = blaag un vun dat latiensch Wort "Lapis" = Steen. Över dat arabisch "lazaward" is denn dat mittellatiensch "lazurius" entstahn, dorna "lazulus" un toletzt "Lapis Lazuli". Un dat bedüüdt slicht nix anners as "Blaag Steen". En falsche Naam för Lapislazuli is ok "Blaag Malachit".

Dat gifft ünnerscheedlich Nach-Ahmen vun düssen Steen:

  • beizt Jaspis as Düütschen Lapis,
  • ok ultramarin farvt Serpentine ut Hinterindien,
  • ok warrt Lazulith as Lapis Lazuli utgeven, dorüm wörr Lazulith oft "unechten Lapis Lazuli" nöömt.

Lapislazuli. Foto: Anke Nissen
Lapislazuli mit Pyrit-Inslüss. Foto: Anke Nissen

Natuur


Lapislazuli. Foto: Anke Nissen

Lasurit is en Silikatmineral vun heel kompliziert chemisch Tosamensetten. Dat kümmt heel selten as Kristall vör, mehrst as dichte Masse.

Berühmt is Lapislazuli för sien Farv: königsblaag, lasurblaag, düüsterblaag, oft dörchtrocken mit güllen Pyrit-Inslüsse. De Steen is undörchsichtig.

As Smucksteen warrt an'n leevsten en Stein bruukt vun en deep Azurblaag. De Grundmasse vun dissen Steen is gries-kalkig. De inlagert lütten Kristallkörnchen vun den Lasursteen geevt den Lapis Lazuli de schöne, deep ultramarinblaag Farv. Inlagert Pyrit maakt dorto de güllen, flimmern, metallisch Flecken, disse Flecken sünd fröher oft as Gold ansehen worrn.


Lapislazuli. Foto: Anke Nissen

Wenn een dat genau nimmt, denn is Lapis Lazuli ut Kalk entstahn — Kalk, de veel dörchmaakt hett. In'n Binnern vun de Erd is he dörch Eruptionen hoochsmeten un denn wedder na ünnen dal suugt worrn. He weer groot Hitten un schweflig Dämpfe utsett. Anner chemisch Stoffe, Metalle, vermengeleerten sik mit em. He is dörch enorm hogen Druck to Marmor worrn un ünner ganz bestimmte Verhältnisse to Lapis Lazuli.

Wirken un Legenden

De Lapis hett jümmers enen Ehrenplatz bi de Minschen innahmen, in ehre Mythen, ehre Märken, ehre Schatzkammern.
Ik heff in en Kirch in Lissabon ene Kapelle sehen, de ganz un gor mit Lapislazuli utkleedt weer, de Wände, de Deek, de Boden. Ik heff atemlos dorvör stahn un staunt.


Lapislazuli. Foto: Anke Nissen

LapislazuliLapislazuli wörr al vun vele olle Kulturen sehr schätzt. In de Antike wörr he wohrschienlich för en Afort vun Saphir hollen. Al heel fröh wörr he as Smucksteen bruukt.

De öllsten Narichten över em — de een ok glöven kann — findt wi bi Marco Polo (etwa 1254 bet 1324). He leev 17 Johr lang in China un reiste in Gebiete, de Lüüd ut Europa dormals ganz unbekannt weern. Dorbi lehrn he in Badachschan (hüüt Amu Darja in Afghanistan) Lasurit kennen. Ok hüüt noch kann een dor schöne Stücke Lasurit finnen.

Lapislazuli-RingDe ollen Ägypter stellen ut Lasurit de bekannten Amulette in Form vun Skarabäen her.

Künstler hebbt fröher Lasurit mahlen un de Farv Ultramarin-Blaag dor ut herstellt.

Lapis Lazuli wart jümmers noch as Eddelsteen, as Smucksteen geern nahmen. Wi findt em as Steen för Ringe, Keden, Broschen...


Lapislazuli op Gipsstein mit Zittlösch.
Klick op to'n Vergröttern! — Foto: Anke Nissen

Lapis Lazuli sall Truu un Toneigen bewohren können. He gellt as Steen vun de Weisen. Er symboliseert aver ok Inspiration. Miene "kloken" Böker — vun de mien leef Mann to geern seggt, dat weern de reinsten Hexenböker — vertellt:

  • Lapis Lazuli sall Klorheit in de Gedanken bringen können,
  • den Geist ruhig maken
  • un helpen können, uns Levensupgaav to finnen, to erkennen.
Lapis Lazuli gellt as heel wirksam Meditations-Steen un kann uns so Inspirationen bringen, man ok Stärke för unsen Globen — un Güte.

22.3.2009


na baven