Tyrannosaurus Brex

De Briten hebbt noch nie nodacht;
nu warrt't üm'n Briten-Dino Nacht.
De Brexit fritt sien Kinner op!
Dat harrn se anners in'ner Kopp...
Ik glööv, dat ik vun'n Brexit uk
bald mal en fixen Exit bruuk!

Moinmoin, leve plattdüütsche Maten un Frünnen!

Uiui, bi den Riemel heff ik wedder beten mogelt, un dat de Briten "noch nie nodacht" hebbt, is ungerecht un fies; un Se weet ja all, wat een hüüt dorto seggt, wenn en ganze Naschoon, Grupp orr Ethnie so afdaan warrt: "Rassismus"! Also bün ik rassistisch gegen de Briten west, un ik kann bloots seggen, de Schüddelriemel hett mi dorto dwungen! Se weet ja, wat Politikers dorto seggt: "Sachzwang"! (Noch beter: "alternativlos"! ) Man de Brexit is (noch) Tokumst, un wi wüllt ja hier kort torüchkieken.

De Januarmaand hett uns veel Nieges bröcht -- un ok wat nahmen: Elke T. Weißleder is doodbleven, de uns in twee Kunstkalenner wunnerbore Biller vun ehr noorddüütsche Heimat geven hett. Dat duurt uns bannig. -- Un as wi nu jüst so trüchkieken doot in uns Künst-Flack, fallt uns op, dat dat Bauhaus nu jüst 100jöhrig Jubiläum hett; dor mööt wi doch nochmaal op henwiesen, dat Ludgerd Lüske al vör Johren en ganze kaptaale Reeg to de Bawhuus-Künstlers opstellt hett. In de Deepden vun uns Websiet slummert mennig Schätze! -- Fotos vun intressante moderne Kunstwarken schickt uns meddewiel Secil Yusun; sülven keen Plattdüütsche, witscht se doch överall op de Kunstutstellungen in Europa rüm un knipst, un ik schriff denn geern wat op Platt dorto, wat ik mi so denken do.

De Januarmaand hett uns ut de Wiehnachtstied rut -- de Dreekönigsdag lücht noch vun Wiehnachten, avers Gertrud Everding süht ok al dat Krüüz dor lüchten -- mit Swung in't niege Johr reten. Woans packt wi dat Johr an? Anke Nissen un Henning Eggers weet Rezepten. Heinz Tiekötter hett en Niejohrsempfang to'n Koppschüdden besöcht un weet ok noch üm richtig hadde Winter. De Holocaust-Gedenkdag packt uns jümmer wedder an't Hart. Ok noch anner Betrachten un Geschichten sünd dorbi; Ewald Eden vertellt vun en biestergahn Levensweg un Günter Weber vun sien eerst Begegen mit Löwen.

Uns' Reegn gaht natüürlich toverlässig wieder. De Radioandachten beschickt Elisabeth Tobaben vun Föhr; dat Märken op uns Kinner-Flack is dütmaal wat dramatischer un nimmt mit knappe Noot en godes Enn; Günter Sohnemann in sien niege Reeg "Seemannsgarn" vertellt, woso he Blau weer; uns' Maat Jan ut Bremen drifft in sien lose Reeg dütmaal sien Spijöök mit de CDU-interne Demokratie; un op dat Natuur-Flack geiht de niege Klenner vun flegen "Luftakrobaten" los. Thomas Seemann sien eerst Fotomodell weer de smucke, man achtertücksche Guldwöps. Ok de schöne Maanfinsternis -- den "Blautmaond" -- an'n 21. Januar hett Ludgerd Lüske illustreert un verklaart.

Dat Johr nimmt Fohrt op, un wenn wi uns wedder leest, kiekt sachs al de Krokusse ut de Eer! Dat gah Se good bet denn!


Nu de Linklist. Op de enkelten Links mööt Se bloots klicken, dat Se henkaamt. Wenn Se den Rundbreef över Plattnet as PDF kriegt, funscheneert de Links avers nich mehr!

Plattdüütsch Künst:

Manns-Minschen. Fotos vun Secil Yusun, Verse vun Marlou Lessing    (24.1.)
Notizen ut'n Braakmaand. Fotos un Verse vun Marlou Lessing    (11.1.)
To'n 100: Bortsdag: Dat Bawhuus


De Welt un Gott:

En besinnlich Geschicht. Platt vun Anke Nissen    (27.1.)
Wat heff ik mi verfiehrt! Vun Günter Weber    (27.1.)
Dat kannst mi glöven: König op'n Esel? Vun Elisabeth Tobaben, mit Spraakopnahm    (27.1.)
Gloven is sund! Andacht ut Grönau vun Henning Eggers    (27.1.)
Dat kannst mi glöven: Laat di dat vun Kinner verkloorn! Vun Elisabeth Tobaben, mit Spraakopnahm    (20.1.)
Seemannsgarn: Wokeen is hier Blau? Vun Günter Sohnemann    (20.1.)
Dat kannst mi glöven: Umkehrn in'n Advent. Vun Elisabeth Tobaben, mit Spraakopnahm    (13.1.)
Käönigen. Vun Ludgerd Lüske    (6.1.)
Wenn de Lävenspadd schmoaler warrd. Vun Ewald Eden    (8.1.)
Dat kannst mi glöven: Dank för de Roh. Vun Elisabeth Tobaben, mit Spraakopnahm    (6.1.)
Dreekönigsdag. Vun Gertrud Everding    (6.1.)
Swatthannel. Vun Heinz Tiekötter    (1.1.)


Natuur un Wetenschap:

Blautmaond -- Dei Maonddüüsternis in'n Januar 2019. Vun Ludgerd Lüske    (27.1.)
Luftakrobaten 2019: De Guldwöps. Vun Thomas Seemann un Marlou Lessing    (8.1.)

In't aktuelle Natuur-Notizbook:

        Al wedder en Mofi-Spitakel! Vun Marlou Lessing    (20.1.)
        Kraunen-Gang! Vun Marlou Lessing    (4.1.)


Wat in de Welt vörgeiht:

Denn hau ik af! Vun Heinz Tiekötter    (24.1.)
De Stootsanwalt mutt Platt lernen. Vun Heinz Tiekötter    (13.1.)
Mediale Sabbelbüdels. Vun Heinz Tiekötter    (6.1.)
Maat Jan: Merz mokt mobil, den Rest kunn'n wi uns Spahn    (6.1.)
Smartfoon. Vun Heinz Tiekötter    (4.1.)

...un veer niege Indrääg in Marlous plattdüütsch Notizbook.


För Kinner:

Modder Sünn ehr Kinner: De Botterlicker. Vun Sophie Reinheimer, Platt vun Klaas Tüxen    (24.1.)


Platt to Hand:

Rezept för en heel Johr. Vun Henning Eggers    (1.1.)



Niege Spraakopnahmen:

König op'n Esel? Vun Elisabeth Tobaben    (27.1.)
Laat di dat vun Kinner verkloorn! Vun Elisabeth Tobaben    (20.1.)
Umkehrn in'n Advent. Vun Elisabeth Tobaben    (13.1.)
Dank för de Roh. Vun Elisabeth Tobaben    (6.1.)



Hartlich grööt

Marlou Lessing un dat lütt Plattpartu-Team