Diesel-Woot

De Auto-Lüüd, dat Lumpenpack,
betahlt nich mal för Pumpenlack!
Se hebbt ehr Kunnen driest belogen
un – as man höört un liest – bedrogen.
„De Basen“, so meent Fiete, „schalln
gehörig in de Schiete falln!
De höört doch achter Trallen, echt!
De Kanzlersch kümmt mit allen trecht,
deit nix un leggt de Hann’n in’n Schoot!
En anner nehm vör Schann den Hoot!
Is Merkel noch de rechte Mann?
Dor mööt mal anner Mächte ran!“
– Fiete kriggt de Diesel-Woot,
raast un fohrt en Wiesel doot.

Dat deit em leed. So’n Wieseldeert
is mehr as Fietes Diesel weert!

Moinmoin, leve plattdüütsche Maten un Frünnen!

Jaja, ik weet, de Schüddelriemel baven hett en poor Kinken, „liest“ staats „leest“, un „Wiesel“ heet Wissel op Platt – man denn geiht dat ja nich mehr so good mit den Diesel. Bi Schüddelriemels muttst jümmers Kompromissen maken!

Dat geiht nu bannig op Oostern los, ok wenn dat buten nich so utsüht vör luder Snee. Man Valentinsdag weer al, de Immen warrt waak (un mööt na Tö); de Katteker brukt sien Vörrääd op (un finnt ehr nich wedder), de Stare sünd al wedder dor (un argert sik bi de Küll wiss bannig över ehr Vörieligkeit). Överall putzt se de Knicks un ok de Bööm in’n Park. De Distelfalter, de in uns Websiet de Bottervagel för den Februar is, de flüggt aver noch nich.

Op dat Flack De Welt un Gott hett de Reeg vun Passioonsandachten anfungen, de düt Johr vun Gertrud Everding gestalt warrt. Se hett ok mit Rudi Witzke tosamen twee smucke Bidrääg mit Beden för Kinner tosamenstellt. Sünnerlich kregel weern ok uns Maten bi Wat in de Welt vörgeiht – keen Wunner bi allns, wat dor so vörgeiht... Wolfhard Sauerbrey höllt nix vun Genderkroom, Heinz Tiekötter hett blangen den Snee ok den Lögenkraam satt un Silke Frakstein den App-Wahn. Ewald Eden erinnert an en besünners verdeenstvulln Oostfreesen un dat dat de Unsitte, Överfluss wegtosmieten, al lang geev. In Marlous lütt Notizbook gifft dat bloots een Indrag, un de hett – wat Wunner – mit de SPD un de Macht to doon.

Dat Leven blifft spannend! Ik wünsch Se en wunnerschöne Vöroostertied!

---

Nu de Linklist. Op de enkelten Links mööt Se bloots klicken, dat Se henkaamt. Wenn Se den Rundbreef över Plattnet as PDF kriegt, funscheneert de Links avers nich mehr!

Plattdüütsch Künst:

De Boomfällung. Vun Marlou Lessing, mit Versen in'n Stil vun Willem Busch    (28.2.)
Notizen ut'n Heumaand. Fotos un Verse vun Marlou Lessing    (4.2.)


De Welt un Gott:

Passion: Sünndag Reminiszere. Vun Gertrud Everding    (25.2.)
Mehr Beden för Kinner. Vun Gertrud Everding un Rudi Witzke    (25.2.)
Fritz Dieling ut Saan. Familiengeschicht vun Ewald Eden, mit Spraakopnahm    (25.2.)
Passion: Sünndag Invocavit. Vun Gertrud Everding    (18.2.)
Passion: Sünndag Estomihi. Vun Gertrud Everding    (11.2.)
Beden för Kinner. Vun Rudi Witzke und Gertrud Everding    (4.2.)

In't Erinnern-Notizbook:

Besitzstand woahr'n. Vun Ewald Eden    (25.2.)


Natuur un Wetenschap:

De Katteker. Vun Heinz Großmann    (4.2.)
Bottervageljohr 2018: De Disselfalter. Vun Thomas Seemann un Marlou Lessing    (1.2.)

In't aktuelle Natuurnotizbook:

Stare! Vun Antje Heßler    (25.2.)
Dat Best to'n Sluss. Vun Marlou Lessing    (18.2.)
De Immen mööt na Tö! Vun Thomas Seemann    (18.2.)
Al wedder Treckeltied? Vun Marlou Lessing    (11.2.)
En Fleeg in'n Lent! Vun Antje Heßler    (7.2.)


Wat in de Welt vörgeiht:

Dat sneet. Vun Heinz Tiekötter    (28.2.)
En Minsch, de keene App nich hett, de döcht ok nix. Vun Silke Frakstein    (18.2.)
Lögenkrom. Vun Heinz Tiekötter    (11.2.)
Gender-Saken. Vun Wolfhard Sauerbrey    (4.2.)

...un 1 niege Indraag in Marlous plattdüütsch Notizbook.


Platt to Hand:

Riemel to'n Valentinsdag. Vun Horst Rehmann    (14.2.)


Niege Spraakopnahmen:

Fritz Dieling ut Saan. Vun Ewald Eden    (25.2.)

---

Hartlich grööt

Marlou Lessing un dat lütte Plattpartu-Team