Buernromantik

As ik in'n Stall de Sögen pleeg
un Vetter Klaas bi't Plögen sehg,
dor över all den Segen flöög
de Swulkenschar op Flegensöök.

Moinmoin, leve plattdüütsche Maten un Frünnen!

Düssen Maand hebbt wi en duppelten Schüddelriemel -- Vokale un Konsonanten wesselt (naja, p un f sünd nich ganz gliek...). Noch perfekter (kannst "perfekt" steigern?) weer't west, wenn ik "Segen Flöök" op "Flegensöök" harr riemeln kunnt, avers bringt Se mal Segen un Flöök togliek sinnvull achternanner...!

Noog vun de Riemelrechtfertigen, ran an den Maand bi Plattpartu! De Mai hett uns de eersten Europawahlen bröcht, 'neem dat endlich mal üm Europa güng; uns' Satiriker Maat Jan hett den Sichtkontakt mit Europa verlaren, dorför avers de AfD swoor op Sicht. Ewald Eden is fix un fertig mit de Parlamentariers, un in mien politisch Notizbook finnst ok so düt un dat to de Wahl -- ok mit'n Kniepoog.

Un denn seilt wi ja so sachten in den Sommer rin. Bi Günter Sohnemann is de See ganz ruhig, liekers gifft dat Rührei. Günter Weber kiekt de Swulken na. In't Kinnermärken fallt Regendrüppens, de ja ok ganz segensriek ween köönt. Blangen uns Luftakrobatin, de Huus-Feldwöps, gifft dat noch en Weddersehn mit en wirklich ole Fründin: den Sünnschienkieker alias Gertrud Everding. Al lang stüert se nich mehr elk Maand en Bidrag bi, bloots mal af un to een, man dat freit uns jümmers; un dütmaal güng se an'n Bramfelder See spazeern. Ok in't Natuur-Notizbook sünd düssen Maand wedder schöne lütte Kuriositäten to finnen.

Ok Jutta Lammèr hett sik na en Paus wedder mellt -- se kennt dor en ganz verdreihten Typen. Katja Renfert is bi de Inwiehen vun en Hamborger Skulptur west: den Jung mit dat Trudelband. Dat weckt Erinnern bi Günter Weber. Heinz Tiekötter weet ganz ole un allto niege Saken vun Eten un Drinken to vertelln. Un noch veel mehr. Op dat Flack De Welt un Gott hebbt wi jüst de Radioandachten ut de Passioonstied tofaat, de Autoren sünd Heinrich Siefer un Peter Kossen. To Himmelfohrt singt wi en Leed. Schall düsse Sommer wedder en Choral-Sommer warrn? Denn mailt Se mi Ehr Wunsch-Choräle! Düsse hier sünd al överdragen. Orr noch beter: Stüert Se uns Ehr egen Biller un Texten to! Wi freit uns ganz bestimmt.

Nu wünscht wi Se wunnerbore Sommerdaag!

Nu de Linklist. Op de enkelten Links mööt Se bloots klicken, dat Se henkaamt. Wenn Se den Rundbreef över Plattnet as PDF kriegt, funscheneert de Links avers nich mehr!

Plattdüütsch Künst:

Segeltieden! Vun Addi Kahl    (17.5.)
Notizen ut'n Saatmaand. Fotos un Verse vun Marlou Lessing    (12.5.)
De Jung mit dat Trudelband. Vun Katja Renfert, Marlou Lessing    (5.5.)

De Welt un Gott:

Singt en Leed! Is Himmelfohrt! Choralöversetten vun Marlou Lessing    (30.5.)
De ole un de niege Minsch. Andacht ut Grönau vun Henning Eggers    (26.5.)
Dat kannst mi glöven: Kien Billigfleisch in'ne Fassentied! Vun Peter Kossen, mit Spraakopnahm    (26.5.)
Seemannsgarn: Ruhige See un Rührei. Vun Günter Sohnemann    (26.5.)
Öber den Wien. Vun Heinz Tiekötter    (21.5.)
Dat kannst mi glöven: Dat Lecht van een Keesen kann de Welt in 'n anner Lecht stellen. Vun Heinrich Siefer, mit Spraakopnahm    (19.5.)
Dat kannst mi glöven: Kumm in miene Arms! Vun Heinrich Siefer, mit Spraakopnahm    (12.5.)
Dat kannst mi glöven: Typisch? Vun Heinrich Siefer, mit Spraakopnahm    (5.5.)

In't Erinnern-Notizbook:

Mien Dumen un dat Trudelband. Vun Günter Weber (21.5.)

In't lütte Gebeedbauk:

De Swoelk. Vun Günter Weber (19.5.)

Natuur un Wetenschap:

De Sünnschienkieker: An'n Bramfelder See. Vun Gertrud Everding (21.5.)
Luftakrobaten: Huus-Feldwöps op Phacelia. Vun Thomas Seemann un Marlou Lessing (1.5.)

In't aktuelle Natuur-Notizbook:

        Wanzen funnen! Vun Thomas Seemann    (26.5.)
        Reh mit Smack. Vun Billa Frerich    (19.5.)
        Anglerglück! Vun Thomas Seemann    (19.5.)

Wat in de Welt vörgeiht:

Eten mit System. Vun Heinz Tiekötter (18.5.)
Maat Jan: AfD vör Gericht un Europa ut'e Sicht (17.5.)

In Jutta Lammèrs Blog "Oogenblick mol!":

Sülvstbedroog (26.5.)

In Ewald Edens Blog Eden meent:

Diätenerhöhung för MdBs (12.5.)

...un fief niege Indrääg in Marlous plattdüütsch Notizbook.

För Kinner:

Modder Sünn ehr Kinner: De Regendrüppens. Vun Sophie Reinheimer, överdragen vun Klaus-Dieter Tüxen (1.5.)

Niege Spraakopnahmen:

Sommertiet. Vun Addi Kahl (Musikopnahm)
Kien Billigfleisch in'ne Fassentied! Vun Peter Kossen    (26.5.)
Dat Lecht van een Keesen kann de Welt in 'n anner Lecht stellen. Vun Heinrich Siefer    (19.5.)
Kumm in miene Arms! Vun Heinrich Siefer    (12.5.)
Typisch? Vun Heinrich Siefer    (5.5.)

Hartlich grööt

Marlou Lessing un dat lütte Plattpartu-Team