„I can’t breathe“

Meist teihn Minuten fleht – „Ik kann nich aten, Mann“ –
de Fungene den Udel un sien Maten an,
bet de em sünner Barmen starven laten hett –
een Bispeel bloots för dat, wat Minschen haten lett. 

 

Moinmoin, leve plattdüütsche Maten un Frünnen!


Hmm, maakt een Schüddelriemels över sowat? Ja, över den FC Bayern München geiht dat – "Und hat er auch die Meisterschal',/ ich hoffe, bald verscheißt er mal!" (Deit mi leed, dat heff ik bloots op Hoochdüütsch henkregen!) Man över Rassismus un Moord? – Woso nich? Sünd Schüddelriemels denn per se uneernst? Annerletzt vertell mi en Matin vun en Begegen in de Kark: Se lees dat Evangelium op Platt, un een vun de Tohörers wull sik utschüdden vör Lachen un kunn sik gor nich mehr inkriegen. För em weer Platt per se uneernst, en anduern Dööntje, dat kunn gor nich anners ween as lustig – ok wenn’t dat Evangelium weer; en plattdüütsche Gottsdeenst kunn nix as en Spaaßveranstalten ween. Dat tyypsche Vörurdeel gegen Platt. So is dat nich mit Platt –  un ok nich mit Schüddelriemels. Dat weer doch ok jichenswie rassistisch gegen düsse Spraak un gegen düsse Riemelfoorm, nich? Un rassistisch un vull Vörurdeel wüllt wi nich ween. Dorgegen wendt sik ok poor vun uns Bidrääg verleden Maand vun Heinz Tiekötter un ok vun Günter Schiller. Maat Jan dorgegen gifft de Udels ok orrig wat trüch. Op de Gerechtigkeit kümmt't even an. Man sutje! Nu sünd wi ja al merrn in uns Rückblick op den Maand.

Also, de Sommer is dor, Ferienstimmung, un Corona schient meist weg. Is se villicht gor nich so'n lege Plaag? Villicht sogor en Märkenprinzessin? – Avers nee, in dat Märken för düssen Maand sünd de Sebbers togangen un all de Insekten, de nu krimmelt. In Pagels' Goorn blöht, as en Sommermärken, de Mahn. De Middsommernacht, de Johanninacht hett Thomas Seemann op See tobröcht, nu stüert wi in den Heumaand un dormit in den hogen Sommer; meist nich to glöven is för mi jümmers, woans de Natuur sik in'n Johrsverloop verännert. Doran schallt de "Gegenlöpers" erinnern, de Foto-Riemels, de üm en halv Johr versett hier rutbröcht warrt – düssen Maan is dat de November. De Nevelmaand warrt gauer kamen, as wi denkt, also noch mal tovöör schöön den Sommer geneten! Ok mennig junge Minschen doot dat, de jüst dat Abitur schafft hebbt; för de jungen Fruuns, de in düsse Daag rut in't Leven gaht, hett Claudia Süßenbach en wunnerschönen olen Reisesegen in't Hoochdüütsche bröcht, un wi hebbt dat hier op Platt sett – ok meist schöön as en Märken.

Un wat sünst? Wi hebbt en ole Reeg wedder opnahmen, de Andachten vun Heinrich Giesen; fief niege sünd mit Spraakopnahmen dortokamen. Natüürlich hebbt wi wedder Geschichten un Betrachten, över Hütchenspelers, Leven in de Walachei un de Gefährlichkeit vun China; Günter Sohnemann geiht düssen Maand op sienen "Landgang" en beten to wied; wi hebbt en Leevsverklaarn an en Hund un een an de Lübecker Schippergesellschap. Un op uns Süstersiet numanto.de een an de Heimat. Dat mutt för de Ferientied langen!

Ik wünsch Se vun Harten en schöne Ferientied! Wi leest uns wedder in'n Aarnmaand.


Nu de Linklist. Op de Links bruukt Se bloots klicken, dat Se henkaamt.

 


Plattdüütsch Künst:


Heumaandkinner. Vun Marlou Lessing, na Hermann Hesse    (21.6.)
Notizen ut'n Nevelmaand. Fotos un Verse vun Marlou Lessing    (6.6.)
Dat Schippergesellschops-Huus. Vun Addi Kahl    (6.6.)



De Welt un Gott:

Seemannsgarn: Landgang, Deel 1. Vun Günter Sohnemann    (28.6.)
"Miss Ellie". Vun Klaus-Dieter Tüxen    (26.6.)
En Swatten Droom. Vun Heinz Tiekötter    (25.6.)
Beden üm Gaven för en junge Fru. Ut de Carmina Gadelica    (21.6.)
Hüttblek. Vun Heinz Tiekötter    (13.6.)
De Hoot is weg! Vun Heinz Tiekötter    (9.6.)
Dat Määrken vun Corona. Vun Heinz Großmann    (6.6.)

In't Lütte Gebeedbook:

        Sommerbeden. Vun Marlou Lessing    (27.6.)

Andachten vun Heinrich Giesen:

        9. Juni, översett vun Marlou Lessing, mit Spraakopnahm    (13.6.)
        10. Juni, översett vun Marlou Lessing, mit Spraakopnahm    (13.6.)
        11. Juni, översett vun Marlou Lessing, mit Spraakopnahm    (28.6.)
        12. Juni, översett vun Marlou Lessing, mit Spraakopnahm    (28.6.)
        13. Juni, översett vun Marlou Lessing, mit Spraakopnahm    (28.6.)


Natuur un Wetenschap:


Planten in Pagels' Goorn: Mahn. Vun Thomas Seemann un Marlou Lessing    (13.6.)

In't aktuelle Natuurnotizbook:

        Makrelen angeln üm de Middsommertied. Vun Thomas Seemann    (21.6.)
        Gräserblööt. Vun Marlou Lessing    (13.6.)
        Tratsch in't Treppenhuus. Vun Ewald Eden    (9.6.)



Wat in de Welt vörgeiht:


Coronasong II. Vun Marlou Lessing    (27.6.)
De Polente, die Fründ un Helper? Vun Günter Schiller    (21.6.)
Gerechtigkeit. Vun Friedrich Ehlbeck    (13.6.)
Maat Jan: Links, rechts, Udels! Vun Maat Jan    (9.6.)
Diskuschoon in'n Achtergrunn: Wat China hüüt bedüüdt. Vun Marlou Lessing un Heinz Tiekötter    (4.6.)


In Marlou Lessings plattdüütsch Notizbook:

        Corona maakt Ferien?!    (27.6.)
        Bahnbreken Erkenntnis    (21.6.)   
        Probleme löschen    (13.6.)
        Woso hett nüms Corona leev?    (11.6.)
        Verswörenstheorie    (4.6.)


För Kinner:

Modder Sünn ehr Kinner: De dree Sebbers. Vun Sophie Reinheimer, översett vun Klaus-Dieter Tüxen    (26.6.)

 

 

Niege Spraakopnahmen:


Andacht 9. Juni, leest vun Marlou Lessing    (13.6.)
Andacht 10. Juni, leest vun Marlou Lessing    (13.6.)
Andacht 11. Juni, leest vun Marlou Lessing    (28.6.)
Andacht 12. Juni, leest vun Marlou Lessing    (28.6.)
Andacht 13. Juni, leest vun Marlou Lessing    (28.6.)

 

 


Hartlich grööt

Marlou Lessing un dat lütte Plattpartu-Team