Sommer-Utklang

Keen Buer funn de Hitten moi,
dat geev Probleme mit'n Heu;
de Aarn keem vör ehr Fristen rein.
Doch köönt sik de Touristen frein.
Nu kaam, du milde, fröhe Harvst,
de bunt du Daal un Höhe farvst!

Moinmoin, leve plattdüütsche Maten un Frünnen!

Jaja, in de letzte Reeg vun den Schüddelriemel heff ik wedder mogelt, en r fehlt -- dat is nich so licht! :-) De gewaltige Sommer kümmt nu an sien End, Addi Kahl, Elke Weißleder un ik kiekt em in Leder, Biller, Verse un Meditation na. In Hamborg sünd hüüt de eersten Wiehnachtsleckerien in de Supermärkt opduukt! Nu gifft dat Johr nochmal gewaltig Gas, un rumsbumszack is Wienachten! -- Jedeen Johr desülve Gemeinheit! :-(

Uns Frünnen vun De Welt un Gott hebbt wedder ganz ünnerscheedlich Saken tosamendragen. Heinz Tiekötter kennt apensichtlich en ganz Koppel heel kuriose Tyen; een dorvun, de mit de lockere Opfaten to Stüern, finnt sik ok bi Wat in de Welt vörgeiht. Wi hebbt wedder schöne Nadenkerien mit Spraakopnahmen in uns Radioandachten-Reeg. Sabine Stürzer un ehr Mitmakersch Gabi weern düssen Sommer mit ehr effektvulle Dialoogpredigt to't Vadderunser in mien Karkengemeen to Gast. Un Wolfhard Sauerbrey weet Bescheed, wat dat mit dat "Ripsgahn" op sik hett -- ok kurioos!

Uns Weltruumbeopdraagte Ludgerd Lüske verfolgt ok spannende Entwickeln, de sik in'n Achtergrund afspeelt. De Ruumfohrt warrt apensichtlich peu à peu privatiseert; nu woorn de eersten Mannschapen vörstellt, de -- noch ünner de Regie vun de NASA -- mit Ruumfohrtüüg vun Privatfirmen dat All bereisen schallt. Nee, Ryanair is nich dorbi -- avers de Endpunkt vun düsse Entwickeln kann dat dörchut ween, dat Billigfleger ok in't All fleegt!

Wat finnt sik noch in düssen Maand? In uns Bottervagel-Klenner flüggt dat Dagpfauenoog, in't Natuurnotizbook fleegt de eersten Toogvagels, un Jutta Lammèr hett uns in ehr Blog Oogenblick mol! glieks twee schöne Geschichten anvertruut, de ok kurioos sünd, avers doch so, dat wi uns dor alltohoop sülven in finnen doot! -- In mien Notizbook heff ik annerletzt ok över dat Plastik schimpt, un dat lett, as müss ik dat verklaaren. Ik bün nich gegen Plastik. Plastik is en kaptaale Warkstoff, un ik weet ok, dat uns Plastik nich in't Meer landt -- dat sünd de 7 gröttsten Flüss in Asien un 2 in Aafrika, ut de 90% vun den Plastikmüll in't Meer stammt. Avers vernünftig recyceln kannst uns' Tüüchs liekers nich, denn -- och wat, ik schriff dat nauer in en Bidrag op Plattpartu! Dat leest Se denn neegsten Maand! Nu wünsch ik Se eerstmaal schöne Laatsommerdaag mit de eersten Lebkoken to'n Naschen!


Nu de Linklist. Op de enkelten Links mööt Se bloots klicken, dat Se henkaamt. Wenn Se den Rundbreef över Plattnet as PDF kriegt, funscheneert de Links avers nich mehr!

Plattdüütsch Künst:

Sommerend. Vun Elke T. Weißleder, Marlou Lessing    (30.8.)
Notizen ut'n Sneemaand. Fotos un Verse vun Marlou Lessing    (12.8.)
Sommertied. Leed vun Addi Kahl    (12.8.)


De Welt un Gott:

De Ogenklapp. Vun Heinz Tiekötter    (31.8.)
Dat kannst mi glöven: Över't Waoter gaohn. Vun Heinrich Siefer, mit Spraakopnahm    (26.8.)
De Kark as Hollfast. Erinnern vun Henning Eggers    (26.8.)
Choral-Översetten: Tut mir auf die schöne Pforte. Vun Marlou Lessing    (21.8.)
Dat kannst mi glöven: Ein besünner Krüüzweg. Vun Alexander Rolfes, mit Spraakopnahm    (19.8.)
Bernd mookt Diät. Vun Heinz Tiekötter    (17.8.)
Dat kannst mi glöven: You'll never walk alone. Vun Heiner Zumdohme, mit Spraakopnahm    (12.8.)
Unser Vadder in Heben. Dialogpredigt vun Sabine Stürzer    (12.8.)
Ripsgahn. Vun Wolfhard Sauerbrey    (5.8.)
Dat kannst mi glöven: Rahn mössde scheten. Vun Heiner Zumdohme, mit Spraakopnahm    (5.8.)

In't Lütte Gebeedbook:

    De Gnaad vun'n Wessel. Vun Marlou Lessing    (12.8.)


Natuur un Wetenschap:

De eiersten bemannten Ruumfohrtüge van Boeing un SpaceX. Vun Ludgerd Lüske    (8.8.)
Bottervageljohr 2018: Dat Dagpfauenoog. Vun Thomas Seemann un Marlou Lessing    (5.8.)

In't aktuelle Natuurnotizbook:

    Geheimagenten. Vun Marlou Lessing    (26.8.)
    Kanadagöös up de Dörchreis. Vun Antje Heßler    (17.8.)


Wat in de Welt vörgeiht:

Stüerlast. Vun Heinz Tiekötter    (30.8.)

In Jutta Lammèrs Blog Oogenblick mol:

    Fundsaken    (20.8.)
    Wesselgeld    (5.8.)

...un söss niege Indrääg in Marlou Lessings plattdüütsch Notizbook.


Niege Spraakopnahmen:

Över't Waoter gaohn. Vun Heinrich Siefer    (26.8.)
Ein besünner Krüüzweg. Vun Alexander Rolfes    (19.8.)
You'll never walk alone. Vun Heiner Zumdohme    (12.8.)
Rahn mössde scheten. Vun Heiner Zumdohme    (5.8.)

 


Hartlich grööt

Marlou Lessing un dat lütte Plattpartu-Team