"Hate-Speech" in't Internet

Op't best köhlst du den Hater-Wahn
ünnern kolen Waterhahn.

Moinmoin, leve plattdüütsche Maten un Frünnen!

Bäh, sowat Fieses as de Schüddelriemel baven! Korrekt to lesen, avers nich korrekt uttospreken, denn de "Hater" mööt ja ingelsch utspraken ween! Nee, sowat wüllt wi nich hebben. Dorwegen gifft dat nu noch een, de beter to'n Septembermaand passt:

Wi grööt di, Tied vun'n fröhen Harvst,
de bunt du Woold un Höhen farvst!

Na, dat is doch al beter, nich? ;-)

De Harvstmaand weer ok bi Plattpartu wedder mal en vullen Maand! An füng dat mit den 80. Johrsdag vun'n Kriegsbeginn, den Claus Günther to'n Anlaat nimmt, in en wunnerbor kindgerechten Text sien kindlich Beleven vun de Nazitied to beschrieven. Un wieldat se beid in den Harvstmaand hören doot, sünd dütmaal in't Kinnerflack de Märken vun de Sünnbloom un vun de Aster rutkamen. Jutta Lammèr beleevt en magischen Harvstmorrn an de See, op't Natuurflack blöht ok de Sünnenbloom, en letzte Heidelibell flüggt as Akrobatin vun'n Maand, man in't Natuurnotizbook warrt't al minner un harvstlicher... Avers de Weltruum sorgt för Spannung: Indien versöcht en Maandmissioon, de denn deelwies mallöört, un op'n Mars warrt Windkanters funnen! Woans dat angahn kann bi en 100 Maal dünnere Atmosphäär as op de Eer, dat verklaart Ludgerd Lüske.

Uns' maritime Frakschoon fohrt mit Günter Sohnemann na Antofagasta, kriggt mit Heinz Tiekötter de Seekrankheit un jammert mit Henning Eggers över tweie un umweltschädliche Schippsmotoren -- denn  Sorgen üm de Eer töövt hüüt överall. Ok poor snaaksche Charaktere sünd an't Telefon orr in de Schuufkoor to beleven. Wolfram Hüttermann, en willkamen niege Stimm in uns Matenschap, hett uns en histoorsches Radel schickt (Lösung is dorbi). Un Gertrud Everding singt en Leevsleed op ehr nedderdüütsche Moderspraak. Un ok sünst noch düt un dat -- kiekt Se sülvst!

Un wieldat dat so schöön weer, hier noch en Schüddelriemel to den Eenheitsdag:

Vun de Stadtreinigung to singen

An'n Dag, an den de Muur füll,
dor fiert wi den Muurfall.
In Kiel gifft't mennig Fuhr Müll,
un uns maakt jedeen Fuhr mall.

Avers sachs is de Stadtreinigung ja vun en patriotische Euphorie beflögelt un deit dat geern! -- Wi leest uns wedder in'n Nevelmaand! Ik wünsch Se en wunnerschöne Harvsttied!


Nu de Linklist. Op de enkelten Links mööt Se bloots klicken, dat Se henkaamt. Wenn Se den Rundbreef över Plattnet as PDF kriegt, funscheneert de Links avers nich mehr!

Plattdüütsch Künst:

Moderspraak. Vun Gertrud Everding    (30.9.)
Notizen ut'n Hornung. Fotos un Verse vun Marlou Lessing    (1.9.)


De Welt un Gott:

Fröhe Vagels. Nadenkerie vun Jutta Lammèr    (24.9.)
Seemannsgarn: Antofagasta. Vun Günter Sohnemann    (29.9.)
Seekrank. Vun Heinz Tiekötter    (29.9.)
Appels ut Noabers Tuun. Vun Ewald Eden    (19.9.)
Falsch verbunnen. Vun Heinz Tiekötter    (14.9.)

In't Erinnern-Notizbook:

        De Schuufkoor un Schauster Bünning. Vun Gunter Weber    (8.9.)
       
Geschicht ut dat Johr 1923. Vun Wolfram Hüttermann    (1.9.)

In't Lütte Gebeedbauk:

        Haarst word dat... Vun Ewald Eden    (17.9.)
       
Engel. Vun Henning Eggers    (14.9.)


Natuur un Wetenschap:

Windkanter up den Mars! Vun Ludgerd Lüske    (19.9.)
Chandrayaan-2 — Dat indischke Maondfohrtüg. Vun Ludgerd Lüske    (4.9.)
Sünndagmorgen in'n August. Vun Richard Weigand    (4.9.)
Luftakrobaten: Heidelibell op Fruunsmantel. Vun Thomas Seemann un Marlou Lessing    (1.9.)

In't aktuelle Natuurnotizbook:

        De Kraunen sammelt sik. Vun Marlou Lessing    (29.9.)
       
Lütte Kiefern, halvdood. Vun Marlou Lessing    (24.9.)
       
Vikram güng flüsch. Vun Ludgerd Lüske    (6.9.)


Wat in de Welt vörgeiht:

De Schippsmotoren-Jammer-Ballaad. Vun Henning Eggers    (14.9.)

In Ewald Edens Blog Eden meent:

        Wat is los mit de Eer?    (25.9.)

...un 5 niege Indrääg in Marlous plattdüütsch Notizbook.


För Kinner:

Modder Sünn ehr Kinner: De lüttje Steernbloom    (29.9.)
Modder Sünn ehr Kinner: De Sünnenbloom    (8.9.)
Vör tachentig Johren. Beleevt un opschreven vun Claus Günther    (1.9.)

 



Hartlich grööt

Marlou Lessing un dat lütte Plattpartu-Team