Proost?

Den Portwiendrinker maakt dat harte Woort Pien:
„De Keller ’s all un lerrig – gifft keen Portwien!“

Moinmoin, leve plattdüütsche Maten un Frünnen!

O nee, wo gau is düsse Maand vergahn -- anfungen vun dat schöne Aarndankfest, dat düt Johr meist mit den Jubiläums-Eenheitsdag tosamenfull, bet nu na den Reformaschoonsdag (fröher mal bekannt as "Halloween" -- ha, Corona hett ok ehr Godes!). Vunwegen Lockdown un dwangswies Roh! Is düt Johr nich een vun de hektischsten, stressigsten, de Se beleevt hebbt? Un nu heff ik dat düssen Maand ok noch hild, den Rundbreef aftoschicken, denn in twee Daag snackt wi sowiso över nix anners mehr as de Wahlen in de USA. Wenn düt Johr 2020 bi sien wedderböstigen Charakter blifft, denn warrt ja Donald Trump wedderwählt. Tja, 2020! Ik heff annerletzt bi de Tiedümstelln en Cartoon sehn: De Pogg Kermit (vun de Muppets) leeg fix un all op'n Rüch un jank: "Klocken trüchstelln? Nee, ik stell mien Klock nich trüch! Noch een Stünn mehr vun 2020 holl ik nich ut!" Kann'n verstahn!

Op uns Websiet is de Oktober orrig rieklich utfulln -- wat hebbt wi veel publizeert! Uns Maten schickt uns ja ok jümmers de schöönsten un passlichsten Texte (dat köönt Se ok! Mailt Se mi man!). Op all kann ik nich henwiesen, dorto hebbt wi uns' List nerrn -- bloots poor: To'n Eenheitsdag erinnert sik Silke Frakstein an de Tieden mit de Zonengrenz; Klaus-Dieter Tüxen erinnert sik to Aarndank an dat grote Plummen-Mallöör; un Günter Sohnemann harr an Bord utverschaamte Maten un Heinz Tiekötter Pumps an de Feut.

Natüürlich haalt bi all Erinnern de Aktualität in de Welt uns in -- Terror, Wahlen, Kriege... un natüürlich Corona. De Aktualitäten ut de Natuur sünd vun ruhiger Kaliber; in't Natuurnotizbook vertellt Thomas Seemann vun sien twee Komposters un woans lüttste Deerten dat dor good hebbt. Bavento hett he en plietsche Methood utfunnen, Zibbeln in Rasen to planten. De Pagels-Plant vun'n Maand weer de wunnerschöne Harvstaster. Un Se weet ja, wenn sik in de Ruumfohrt wat Intressantes deit, is Ludgerd Lüske op'n Sprung un vertellt uns dat: De Osiris-Sonde hett den Asteroiden Bennu op't Koorn nahmen, hett ehr eersten Proben al faat -- un dorbi so veel Asteroidenstuff opfungen, dat se veel wedder verlaren hett! Warrt sachs noch en Versöök geven. Wi sünd dorbi.

Ganz ahn Aktualität kümmt de Kunst ut, 'neem uns Katja Renfert de smucken Wülf vun Swattenbeek wiest un Addi Kahl nix Ringers as den harvstlichen Sinn vun't Leven. Un ok sünst hebbt wi noch veel -- ätzen Skizzen vun nervige Tiedgenossen, uns' Maandennotizen un töverisch harvstlich Märken. Kiekt Se man sülvst!

Wi wünscht Se wunnerschöne Harvstdaag un dat Se sund un heil dör den harvstlichen Corona-Hindernisparcours kaamt!

Nu de Linkliste. Op de Links bruukt Se bloots klicken, dat Se henkaamt.

Plattdüütsch Künst:

Wülf in Swattenbeek. Vun Katja Renfert    (28.10.)
Woans snackt Sleswig-Holsteen? Vun Marlou Lessing    (4.10.)
Notizen ut'n Märzmaand. Fotos un Verse vun Marlou Lessing    (3.10.)
De Sinn vun't Leven. Vun Addi Kahl, Biller vun Hanna Hyland-Kahl    (3.10.)

De Welt un Gott:

En opwussen Religioon. Gedanken to'n Reformaschoonsdag. Vun Marlou Lessing    (31.10.)
Nix an de Feut. Vun Heinz Tiekötter    (29.10.)
Zitronenwoter. Vun Heinz Tiekötter    (24.10.)
Seemannsgarn: Mastenfarv. Vun Günter Sohnemann    (18.10.)
Nis Randers. Vun Klaus-Dieter Tüxen    (12.10.)
Rootkäppies. Vun Heinz Tiekötter    (9.10.)
Dat Mobilfon. Vun Günter Schiller    (9.10.)
Gedichten to Aarndank. Vun Liane Breiholz, Ewald Eden, Marlou Lessing    (4.10.)
Plummen ut Oma ehrn Goorn. Vun Klaus-Dieter Tüxen    (3.10.)
Halt, hier Zonengrenze! Vun Silke Frakstein    (3.10.)

Andachten vun Heinrich Giesen:

24. Oktober
23.Oktober

In't Notizbook vun't Erinnern:

Rökerfisch. Vun Ewald Eden (22.10.)

In't Lütte Gebeedbauk:

Aarndank to'n Eenheitsdag. Vun Marlou Lessing (3.10.)

Natuur un Wetenschap:

Zibbeltied. Vun Thomas Seemann    (25.10.)
Planten in Pagels' Goorn: Harvstastern. Vun Thomas Seemann un Marlou Lessing    (12.10.)
OSIRIS-REx faotet Proben up Bennu. Van Ludgerd Lüske    (5.10.)
OSIRIS-REx besöcht den Asteroiden Bennu. Van Ludgerd Lüske    (3.10.)

In't aktuelle Natuur-Notizbook:

    Versöök Nummer 1. Vun Marlou Lessing    (22.10.)
    Heizpilze? Pah! Vun Thomas Seemann    (15.10.)
    Mikroben verwöhnen! Vun Thomas Seemann    (4.10.)

Wat in de Welt vörgeiht:

Coronasong III. Vun Marlou Lessing (15.10.)

In Marlou Lessings plattdüütsch Notizbook:

    Witzfiguurn, nich to'n Lachen    (29.10.)
    De Supertanker bremst    (22.10.)
    Fiervolk un Covidioten    (18.10.)
    Segg, woneem de Masken sünd    (9.10.)
    Gode Betern för Trump?    (3.10.)
    "Angezählt"    (1.10.)

För Kinner:

Modder Sünn ehr Kinner: De Harvst m å ålt Billerböker. Märken vun Sophie Reinheimer, överdragen vun Klaus-Dieter Tüxen (24.10.)

Platt to Hand:

To'n Geburtsdach. Vun Ewald Eden (4.10.)

Hartlich grööt

Marlou Lessing un dat lütte Plattpartu-Team