De Dood lehrt uns dat Leven ehren.
'keen dat nich kann, mutt't even lehren.

En schönen eersten Advent, leve plattdüütsche Maten un Frünnen!

Al lücht dat Adventslicht, un de Vörfreid op Wiehnachten strahlt in uns Alldag. Avers uns Schüddelriemel baven höört noch to den Nevelmaand, un de weer en Tied vun Stillnis un Afscheed. Ok wi hebbt Afscheed nehmen müsst: Uns Maat Günter Weber is mit'n Dood afgahn. He hett jümmers wedder Bidrääg ut sien Kinnertied in Vörpommern för dat Erinnern-Flack schreven, alltohoop mehr as tachentig Texte weern dat, wenn een dat Erinnern-Notizbook mittellt; ja ik heff sogor noch twee Bidrääg vun em op Lager, de ik ok noch rutbringen warr. Wi warrt Günter Weber nich vergeten.

In den Nevelmaand wannert uns Beleven en lütt beten na binnen. Wi erinnert uns an grote Daag as den Muerfall, an verlaten Minschen orr an dat Drakenflegen ut de Kinnertied. In de Natuur is nich so veel to sehn, de Novembersünn schient ok mal, un uns Luftakrobat is en besünners smucke Käver, de avers bloots in'n Sommer flüggt. Dorför sorgt de Katteker mit Ajess för den Winter vör un nütt dorbi nich bloots sik sülvst. Denn kümmt de Stille Tied mit den Volkstruurdag un den Ewigkeitssünndag, un an de Kimm is denn al Wiehnachten to sehn -- en Gelegenheit, mal an de Minschen to denken, de dat mööglich maakt.

Düssen Gang dör't Johr hebbt wi bi Plattpartu al siet 2002 veelmaals maakt, un so is veel Materiaal tohoopkamen, dat Se in uns Johrskrink na Johrstieden opdröselt finnt. Man natüürlich gifft dat ok anner Aktualitäten. Dor is etwa de SPD, de uns veel Pläseer maakt, över de een sik avers ok dull argern kann. En Blick in de Geschicht vun'n Journalismus smitt Horst Wernecke. Claus Günther hett wat Afsünnerlichs vun en Stoffsuger to vertelln, Silke Frakstein vun en Tö, Ewald Eden vun en Giezknüppel, un Günter Sohnemann vertellt, woans dat wiedergung an'n Morgen na dat Spaaß-Begräffnis vun de Snapsliek. Un sünst noch düt un dat to'n Smökern!

För den Christmaand hebbt wi wedder allerhand Wiehnachtlichs vun uns Maten tosamendragen, dat geneet wi vun nu af an. Un wenn wi uns wedderleest, is al 2020! Dorwegen mutt ik Se nu nich bloots en frohe Wiehnachtstied wünschen, sünnern ok en glücklichen Johrswessel, denn ehrder kaam ik nich mehr dorto! Also, leev Maten un Frünnen, blievt Se behöödt un fein toweeg, bet wi uns neegst Johr wedderleest!


Nu de Linklist. Op de enkelten Links mööt Se bloots klicken, dat Se henkaamt. Wenn Se den Rundbreef över Plattnet as PDF kriegt, funscheneert de Links avers nich mehr!

Plattdüütsch Künst:

Afscheed nehmen. Lyrik to'n Volkstruurdag vun Rudi Witzke    (17.11.)
Novembersünn. Vun Karl Gerok, Översetten vun Ludgerd Lüske    (12.11.)
Notizen ut'n Oostermaand. Fotos un Verse vun Marlou Lessing    (4.11.)


De Welt un Gott:

Horst Wernecke vertellt: De eersten Zeitungen norrn de Elv    (30.11.)
Seemannsgarn: De Morgen dorna. Vun Günter Sohnemann    (30.11.)
To Ewigkeitssünndag. Gedichten vun uns Maten    (24.11.)
Een Froach bloods... vun Ewald Eden    (18.11.)
"Peng!", mook de Stoffsuger. Vun Claus Günther    (5.11.)

In't Lütte Gebeedbauk:

        Karsen un Beden -- 30 Johr Muerfall. Vun Marlou Lessing    (10.11.)
        Nich opgeven?! Vun Marlou Lessing    (4.11.)


Natuur un Wetenschap:

Luftakrobaten: De gröne Schienbockkäver. Vun Thomas Seemann un Marlou Lessing    (4.11.)

In't aktuelle Natuurnotizbook:

        Kole Fööt. Vun Marlou Lessing    (30.11.)
        Meeschen un Meeschen. Vun Thomas Seemann    (18.11.)


Wat in de Welt vörgeiht:

Maat Jan: Wohltied!    (28.11.)  
Minnerheiten. Vun Wolfhard Sauerbrey    (26.11.) 
Woter Marsch! Vun Silke Frakstein    (12.11.)

In Jutta Lammèrs Blog Oogenblick mol:

        Töven    (14.11.)
        Harvstwind    (5.11.)

...un 3 niege Indrääg in Marlou Lessings plattdüütsch Notizbook.


För Kinner:

Modder Sünn ehr Kinner: De Katteker sorgt för den Winter. Vun Sophie Reinheimer, överdragen vun Klaus-Dieter Tüxen    (14.11.)


Platt to Hand
:

Vörfreid op Wiehnacht. Vun Addi Kahl    (26.11.)



Hartlich grööt

Marlou Lessing un dat lütte Plattpartu-Team