Wiehnachtsspeck

To'n Afscheed vun de fetten Saken
kannst di en Vörsatz setten: Faken
mehr Sport to drieven, snell to lopen
un nich mehr parallel to snopen.
De Speck blifft dor. To'n Dunner! Wie
passeert denn dat?! Tja, wunner di!

Frohes nieges Johr, leve plattdüütsche Maten un Frünnen!

Ik höp, Se harrn alltohoop en schönen Johrsoptakt! De Rundbreef kümmt ja nu beten laat, avers he kümmt. Un wat för en vullen Rundbreef dat is! Sünnerlich uns Maten bi De Welt un Gott hebbt in de Fierdagstied den Kassen vull hatt -- nich bloots vun wiehnachtlich Geschichten un Andachten! Ludgerd Lüske hett en Reeg Adventsandachten mit korte Texte un intensive Biller bistüert. Un uns Maten hebbt Vertellsels tostüürt vun Arbeit un Arvensupp an Wiehnachten, vun en besünner Geschenk, vun driesten Kahlenklau, vun Kinnernoot, vun Anstand ok in Armoot un en ungewöhnlich Reis, avers ok dorvun, wo wi to Wiehnachten mit Reklaam toschüddt warrt un wat de Winter för de Vagels bedüüdt. Billa Frerich snackt mit den Nikolaus, Ludgerd Lüske hett en mächtigen Engel afbildt, un ok in't Lütte Gebeedbauk gaht Rudi Witzke un Karl-H. Sadewasser den Weg ut depe Düüsternis na't Wiehnachtsfest.

Parallel loopt uns Radioandachten, opletzt mit en niege Verfatersch: Elisabeth Tobaben is dortokamen, wi freut uns! Un noch en niege Reeg hett anfungen: In lose Folg vertellt Günter Sohnemann vun sien Tied as Dödelmaker. Nee, dat is nix Unanstännigs! Dat is wohres Seemannsgarn. Ok Klås Tüxens Reeg mit poetisch-gewaltfrie Märken vun Sophie Reinheimer geiht wieder, dütmaal mit de ganz un gor töverhaftig Geschicht vun den P å åt Sünnenstrahl. Nich bloots för Lütte! -- De Kalenner för uns Bottervagels op dat Natuurflack geiht nu toenn -- mit den prächtigen Swulkensteert. Man Thomas Seemann hett mit sien Team "Tandem" in Pagels' Goorn en niegen Fotoklenner över sössfötige "Luftakrobaten" maakt. Wi warrt de flegen Insekten hier 2019 ok all vörstelln in Foorm vun en niegen Klenner; denn dat Ogenmerk op de Insekten mutt blieven. Se sünd to wichtig -- un to schöön.

Överall güng dat düssen Maand wiehnachtlich to, sogor in't Natuurnotizbook hett Thomas Seemann en wunnervulln Wiehnachtsmaan knipst, un ünnerscheedlich vagelige Gäst stoppt dor ok. In uns Flack för plattdüütsche "Gebrauchslyrik" hebbt wi twee Reden för den Wiehnachtsmann bi sien Optridd in twee opnannerfolgen Johr dortokregen; Jutta Lammèr smitt to Wiehnacht en Blick op eensame Minschen; un wat den Snee angeiht, so streikt Fru Holle ja bi uns noch (wenn ok nich in de Alpen). Sogor op uns Süstersiet numanto.de wünscht sik Henning Eggers, nochmol Kind an Wiehnachten to ween.

Nu hööpt wi, dat dat niege Johr all sien gode Verspreken ok höllt -- denn wüllt wi ok uns' Vörsätt hollen! Un een vun de Vörsätt much woll ween, mehr Platt to snacken. Na denn los!

Nu de Linklist. Op de enkelten Links mööt Se bloots klicken, dat Se henkaamt. Wenn Se den Rundbreef över Plattnet as PDF kriegt, funscheneert de Links avers nich mehr!

Plattdüütsch Künst:

Wiehnachtsengel. Bild-Gedicht vun Ludgerd Lüske un Marlou Lessing (13.12.)
Notizen ut'n Maimaand. Fotos un Verse vun Marlou Lessing (8.12.)

De Welt un Gott:

Dat kannst mi glöven: Maakt Gröön klook? Vun Elisabeth Tobaben, mit Spraakopnahm    (30.12.)
Seemannsgarn: Wat deit denn en Dödelmaker? Vun Günter Sohnemann    (29.12.)
Dat Christgeschenk. Vun Fiete Lüttenhus    (29.12.)
De Wiehnachtssteern. Na Marie Hamsun navertellt vun Antje Heßler    (24.12.)
Dat Wiehnachtsfest. Vun Ludgerd Lüske    (24.12.)
Arvensupp op de Tanga. Vun Heinz Tiekötter    (26.12.)
Dat kannst mi glöven: Dat Haopen helpt dei Trurigkeit. Vun Hubert Looschen, mit Spraakopnahm    (23.12.)
Dei veierde Advent. Vun Ludgerd Lüske    (23.12.)
Dei darde Advent. Vun Ludgerd Lüske    (16.12.)
Dat kannst mi glöven: Dat Haarte un siene Naarwen. Vun Hubert Looschen, mit Spraakopnahm    (16.12.)
De Johrstieden un Buernregeln. Vun Henning Eggers    (13.12.)
Dat kannst mi glöven: Wenn't gaut wern schall. Vun Hubert Looschen, mit Spraakopnahm    (9.12.)
Dei tweide Advent. Vun Ludgerd Lüske    (9.12.)
De Reis noa Huus. Vun Ewald Eden    (2.12.)
Dat kannst mi glöven: Wenn't Kopp un Harte öwerloopt. Vun Hubert Looschen, mit Spraakopnahm    (2.12.)
Dei eierste Advent. Vun Ludgerd Lüske    (2.12.)

In't Lütte Gebeedbauk:

        Wiehnachten. Vun Karl-H. Sadewasser    (26.12.)
        Müll. Vun Marlou Lessing    (18.12.)
        Ut depe Düüsternis. Vun Rudi Witzke    (16.12.)
        Heff keen Bang! Vun Rudi Witzke    (11.12.)
        De gode Harder. Vun Rudi Witzke    (9.12.)

Natuur un Wetenschap:

De Sünnschienkieker: Muschkatt    (11.12.)
InSicht luustert op den Marswind. Vun Ludgerd Lüske    (9.12.)
Bottervageljohr 2018: De Swulkensteert. Vun Thomas Seemann un Marlou Lessing    (8.12.)

In't aktuelle Natuurnotizbook:

        Noch en Reihergang. Vun Marlou Lessing    (30.12.)
        Wiehnachtsmaan. Vun Thomas Seemann    (24.12.)
        Winterküll. Vun Antje Heßler    (6.12.)

Wat in de Welt vörgeiht:

Anstännige Lüüd. Vun Heinz Tiekötter    (18.12.)
Fru Holle streikt. Vun Marlou Lessing    (13.12.)
Ik verstoh dat nich! Vun Heinz Tiekötter    (6.12.)

In Jutta Lammèrs Blog Oogenblick mol:

Utsichten (9.12.)

...un twee niege Indrääg in Marlous plattdüütsch Notizbook.

För Kinner:

Modder Sünn ehr Kinner: De Paat Sünnenstrahl. Vun Sophie Reinheimer, överdragen vun Klaus-Dieter Tüxen (16.12.)
To Nikolaus. Vun Sibilla Frerich (6.12.)

Platt to Hand:

De Wiehnachtsmann snackt, Deel II. Vun Friedrich Schnoor (23.12.)
De Wiehnachtsmann snackt, Deel I. Vun Friedrich Schnoor (23.12.)

Niege Spraakopnahmen:

Maakt Gröön klook? Vun Elisabeth Tobaben    (30.12.)
Dat Haopen helpt dei Trurigkeit. Vun Hubert Looschen    (23.12.)
Dat Haarte un siene Naarwen. Vun Hubert Looschen    (16.12.)
Wenn't gaut wern schall. Vun Hubert Looschen    (9.12.)
Wenn't Kopp un Harte öwerloopt. Vun Hubert Looschen    (2.12.)

Hartlich grööt

Marlou Lessing un dat lütt Plattpartu-Team