|
Uns Suldaten kriegt 2013 "Drohnen".
Un disse "Bomber", vun en elektroonschen Kontrolltorm stüürt,
schallen ok gegen Terroristen insett warden. Bit nu wennt bloots de
US Air Force disse "Waff" mit Raketen un Bomben an.
Drohn mit Rakeet. Foto Brigadier Lance Mans/wikimedia
commons
Rakete "Höllenfeuer" von en
Drohn hett dat Teel drapen.
PD-LAYOUT PS US-GOV/wikimedia commons
In dat Blatt "Die Zeit" lees ik hüüt: 'Bewaffnete
Drohnen könnten im Gegensatz zu unbewaffneten Flugrobotern erkannte
Ziele "reaktionsschnell, präzise und skalierbar bekämpfen",
heißt es dem Bericht zufolge weiter. "Außerdem werden
durch die Fähigkeit gegnerische Kräfte einer ständigen
und für sie nicht prognostizierbaren Bedrohung ausgesetzt und
in ihrem Handlungsspielraum eingeengt." Die Bewaffnung könne
einen Sicherheitsgewinn durch "glaubhafte Abschreckung"
bringen.' Dorüm will uns Regierung een ganze "Flott"
von Drohnen anschaffen. "Een ganze Flott!"
Fernlenkung der bewaffneten Drohnen. Bild
wikimedia commons
Nu, wo wi uns Frieheit överall defenderen un dörch "Telepräsenz"
de Drohn ut een sekeren "Leitstand" stüürn mütt,
kannst di vörstellen, woans dat in de "Modernen Kriege"
togahn ward? Dat's a "clean war!". Drapen schall se bloots
maker, de doden Kinner un Fruuns sünd "kollaterale"
calamities. Nich wullte Unglücke!
Ik beschriev hüüt noch maal to't Erinnern vun ehrmaals.
Vele weit dorvun gor nix, süss wöör gegen de Flott
vun Drohnen bi uns en Demonstratschoon de negste aflösen. De
Höll vun 1942 bis 1945 hett nich reikt. Allens blifft schöön
rohig.
Vörweg schriev ik op, wat ik domaals opsnappt heff, wat de Funker
vun en Nachtjäger 1943 sää: "Uns Piloot schütt
ierst, wenn he sien Gegensmann in de Ogen seihn kann."
Vör 70 Johren
Dor föllt in Lübeck de Höll vun'n Heven - 2012
Kinner un Mudders
in'n Bombenhagel,
brennen Phosphor
krüppt dörch de Straten,
swemmt up de Traav. —
1000 Bomber trecken ehr Bahn,
een Pulk is 15 miles lang.
To wenig Nachtjäger
starten in de Düsternis
un versöökt to defendeeren.
Kuntrulltorm St Trond. Bild Eric Coeckelberghs
Neven de Startbåhn
swiggt de Kuntrulltoorm
vun St Truiden domaals.
Belevt hett hei allens.
Aver hei swiggt bit hüüt.
Dor hulten se up,
de Motoren,
dor bevert'n de Flünken,
de hele Fleiger
bibberte.
Denn rullt hei an
un suust in de Nacht,
de Säuk geiht loos
na Lancasters
Buurdkanon'n ballern.
Start Bremsklötz weg. Bild Bundsarchiv
Nachtstart Do 17 Z. Bild Bundsarchiv
Nacht för Nacht
geiht dat so
un denn ok an'n Dag.
Rieten de Nerven
bi Pilot un Crew?
Twei US Bomber smieten Bomben up Koblenz.
US Nationalarchiv. Foto US Air Force
Hooch müssten's wedder,
Överall Bomber in de Nacht!
Een Pulk na'n annern,
elkeen 15 miles lang!
In'n Toorm gifft "Friee Fohrt!"
Een anner Jäger
kümmt retuur to lieke Tiet!
"Kumm daal,
hier is allens kloor!"
Orrer weer dat nich?
En Füürtung
an'n Heven.
Sünd de Up- un Daalfleiger
beid "crashed"?
Denn is't allens still.
Musingstill!
Orrer weer dat anners?
Wiss is dit:
De Crew is doot.
Mien Brauder as Piloot,
de Bordfunker Heise
und de Bordschütt Wutz.
Fleigerunglück. Foto André Karwath/Wikimedia
Commons
Luftkampf Do 17 Z. Bundsarchiv
Lübeck brennt as ierste Stadt 1942. Bundsarchiv
Un wedder Bomber an'n Heven —
poor maal 15 miles achterenanner Bombenfleiger!
Se treken wieder ehre Bahn.
Dor föllt de Höll vun'n Heven.
Dörch de Straten fegt de Füürstorm.
Dat weer denn maal.
Vör 70 Johr.
Nu kriegt wi
een ganze Flott Drohnen.
Un nich afsichtliche Malöörs.
|
