Dat Huus is kloor

Leed för de Elbphilharmonie vun Cord Denker
Melodie: An der Saale hellem Strande


An de Elw, dor, in den Regen,
steiht een Huus — dat Dack is dicht.
Teinmol dürer as se dachen,
man dor köönt se öber lachen,
wenn dor hüüt de Anfang stiggt.

Hoch & Tief kreeg dat tostannen,
un dat Huus steiht nu perfekt.
Un nu ward se sick wol lohnen,
all de velen Millionen,
de dor in dat Huus in steckt.

Jo, de Arger is vergeten,
un de Freid hett nu dat Woord.
Alle groten Melodien,
nu as Elb-Philharmonien...
Dor hett Hamborg nich an spoort.

Un Muskanten köönt nu fiedeln,
un hüüt geiht dat jo ok los:
Op de Bühn dor, in de Hallen
schüllt de groten Warken schallen;
un de Klang is grandios.

Endlich kümmt de Saak ingangen,
un de Taktstock wiest dat hier:
De Musik, de schall doch lewen
un uns Minschen Opdrift gewen:
Dorför is uns nix to düür!


Foto Elbphilharmonie 1: Avda/Wikimedia Commons
Foto Elbphilharmonie 2: Kay Baumgartel/Wikimedia Commons
Bild 3: Rudi Witzke

15.1.2017


na baven