Energie! Energie!

vun Rudi Witzke

Huuswand ahn Dämmen. Bild: Lutz Weidner/Wikimedia Commons

Energieprobleem 2010: So strahlt dat Huus Warmnis in de Nacht.
De Hüüs mütt weg! Orrer ünnen, baven un an de Sieden dämmt warden. De Finsterschieven ward tauklääbt.

Windkraftanlagen. Bild Manfred Werner/Wikimedia Commons

Ansicht vun Lübeck ünnerirdsch, all Warmnis blifft bi de Lüüd

Energie — energy — Energie! Noch miehr Turbinen, miehr Turbinen! Stellt wi in den Wind.
De Hüüs freten Energie.
Weg dormit! Todämmen. Aver man beten flink!
Wokeen dat nich kann, Huus ümstöten un af na ünnen in de Ierdlöcker.
Achtern sünd twei lütte Fohrstöhlhüüs to seihn.
De Minschen mütten in Ierdstollen 800 m deip ümtrecken.
Dor ist dat so um 30 Grååd warm.
Beten Luft mütt jüm daalpumpt warden
Un 25-Watt-Spoorlampen sünd aver naug dor ünnen.

Kampfhubschrauber kuntrullieren, dat keen Minsch na baven kümmt un CO2 utaten deit.
Un wille Bisons Methan in de Luft pusten.
De Käuh warden mit de Hüüs afschafft.

Airbus 380. Bild Ingo Green/Wikimedia Commons

De Regierungen trecken in Airbusse üm, wieldat Kerosin keen Stüür kost. De Fleiger sünd Arbeitssteed un Wahnhuus in eens. So as bi de Globetrotter-Reisen hett elkeen vun de Bürokräfft een Slaapschuuvlaad. De Minister hett en Stuuv för sik. Baden orrer Duschen mütt jümmer 10 Inwahner tohoop. Dat Wader ward reinigt und wedder verbruukt. Un wedder reinigt. Eten ward Pillen, in de allens steckt, wat en Minsch bruukt. Dat sünd üm un bi 995 kcal.

Utpuffgaas? So een Fleiger hett doch keen Utpuff, de hett veer Düsen. Dast is ganz wat anners.

Bild: imagebanana

En Sünnerverlööf hebbt de Rebellen as Hamas un El Kaida un so. De köönt sik överall in Rauh dootscheiten. Un de Talibans ok! Jümmer man loos! Nüms kümmt juuch in de Queer.
Un de Lütten kaamt ok rut, dat se äuwen köönt.

Foto Bundswehr/Wikimedia Commons

De Taliban köönt ok ünner Wader sik an de Luftstutzen vun de ünnerirdschen Wahnsiloos ransliekern un Gift rinsmieten. Dorför mütt se aver töven, bit Afghanistan ünner Wader steiht. Un dat U-Boot dörff sik nich vun den Kampfhubschrauber erwischen laten.

En Sünnertrupp dörff un mutt baven up de Ierd blieven un mit besünner Plans de Vulkane taudecken. De Qualm sluckt ok Energie orrer is ok Gift!

Bild: Alexander Blum/Wikimedia Commons

Bit Sünnavend sünd alle Autos aftolevern. Se warden tosamenpresst un insmolten.

Womit?
Dat Beraden wi in de neegst Tosamenkumst vun de Regierungen, wenn de mit den Airbus 380 ein Konferenz afhollen. Dor ward ok beraden, woans de Engerlinge vun den Junikäver utrott warden köönt.
Is noch veel to daun. Packen wi dat an! Aver nich to veel CO2 rutlaten! Nich ut de Puust kamen.
De Gottkopeten willn ok beraden, wat Feverkranke to't Anwarmen vun kole Kåmern nütt warden köönt.

Einig weern se sik schon, dat de Space Shuttles an'n Dag affleigen schallen. Nachtens sieht man den Rook un dat Füür to wiet. Denn kaamt se uns verdweer: Sülftst Öseln mit groote Raketen uns poor Lüüd de Autos wegnahmen! Dat kunn Arger geven.
Denn ward de Verhännler mit den Düvel berichten, wat hei in Tokunft nich so veel stänkern deit.

De Düvel. Bild: Stefanie Elder/Wikimedia Commons

Dat schull doch mit'n Düvel taugahn, wenn wie dat Energieprobleem un de smokig Luft nich in'n Griff kriegen köönt.