|
Nu is de Fasching full op Tuur,
all Jecken gaht tokehr —
bloots dicht vör't Enn — do warr ik suur:
as wat kaam ik daher?
Verleden Tiden heff ik mi
in jed't Kostüm rinsteckt,
man hüüt — paß op! Süß nöömt
se di
"politisch inkorrekt!"
Verkleed ik mi as Eskimo,
denn heff ik Zoff dormit,
denn schriegt de Lüd: "Dat heet nich so!
Hüüt heet dat Inuit!"
"Eskimo?! Wullt du di över den Klimawannel
lustig maken? Pfui!"
Un bün in en Apachen-Kleed
ik denn villicht to sehn,
seggt se: Apachen — deit mi leed,
wi nöömt dat indigen!
"Also nee, de Indianer sünd Oppers
vun en Völkermoord,
doröver kann een doch nich spotten! Pfui!"
Gah ik as Lehrling vun een Smitt,
heff ik ok Last dorbi:
in de Gewarkschupp tell ik mit
as Isen-Azubi!
Nu bün ik mit en Schippermütz
op mienen Kopp to sehn —
denn schellt se mi — is ok nix nütz! —
as "Schleuser-Kapitän!"
Un Tuareg — so heel in swatt —
mien Frünn, do gah mi af!
As Terrorist or jichenswat
schüff'l ik mi sülvst mien Graff!
To'n Troost gah as Analphabet
amenn ik blied un froh
— kann jo nich lesen, wat dor steiht —
mal driest op't Damenklo.
...aver nich in't Adams-Kostüm!!!
Un schellt se mi, woso ik dor
so dickfellsch kaam daher:
is mi doch eendoont, neem vunnacht
de Deerns ik kennenlehr!
"Dat ABC schast du kennenlehrn, du Sexprotz!"
|
