G20 in Hamborg

vun Cord Denker

Melodie: Wer recht in Freuden wandern will

De Sünn schickt lachen Leeder ut
un maakt den Sommer schwingen.
De Ferien kriegt brune Huud,
wüllt uns den Utspann bringen.
Doch nu is G-twintig-Tied,
vele Minschen koomt vun wied,
wüllt sick för de Welt verdingen.

In Hamborg is de Macht to Gast,
dat Klima to bewohren,
kiekt op de Welt mit all ehr Last
un all ehr Kriegs-Gefohren.
Un Angela hett dat Leit,
dat de Gipfel rechtens geiht...
Un wi tööwt un spitzt de Ohren.

Jo, düsse Welt bruukt Enigkeit,
man veelfach süht man's strieden.
Een Thema is Gerechtigkeit,
statts Elend un statts Lieden...
Röhrt den Geist un röhrt de Hand,
bringt dat Minschenrecht to Stand!
Denn grööt uns dat Glück vun wieden.

De Eer, dat lüttste Stück vun't All,
mit all dat bunte Lewen,
dat Luftrevier, de Meeres-Schwall
een Tokunfts-Utsicht gewen!
Trump un Putin un de Rest
schafft för düsse Welt dat Best,
denn dankt Eer un dankt de Heven.


Foto 1 un 3: Katja Renfert
Foto Elbphilharmonie: Avda/Wikimedia Commons

Foto 4: Frank Menke
9.7.2017


na baven