Gedanken to'n Johrswessel

vun Heinz Wolbers


Wat is dat 'ne verrückte Welt!
De watten hebbt nix, annere schwemmt in't Geld.
Vulle Mensken leidet bittere Not
un manche scheet sick wegen ehrn Glauben doot.

Flüchtlinge ut Afrika verdrinkt in't Meer,
un direkt keegen an is up Mallorca Pläseer.
Dag un Nacht Party an Pool un an Strand,
manch eener verdrinkt sien ganzen Verstand.

De Herrgott vergeev us für so een Benemmen,
wi Mensken sollen us leewer watt schemmen.
Dat harr he sick seeker ganz anners utdacht,
as he us doarmals den Freeden häff bracht.

De Welt mutt sick ännern, dat is ja woll klar,
een Hoffnung gifft nu in Amerika,
een neijen Präsidenten, wu et schient, mit Verstand
regeert af jetzt dat ganze Land.

Een annert Klima in de USA,
dat fänd ik schon ganz wunnerbar,
un een Signal an de ganze Welt,
et tellt nich Rasse, Macht un Geld.

Egal, of witt oder swatt, arm oder riek,
för den Herrgott bint wi alle gliek,
bloß besünners leew, ick vertell ju es watt,
hefft he de Mensken, wenn de proatet Platt.


28.12.2008


na baven