SteenbuckEn Angeliter vertellt:
Steernkiekers verdoon sik nich

vun Helmut Marxen


Ik heff jo eegentlich nix mit Astrologie un so'n Kraam in'n Sinn. Aver neeschierig op allns, wat so dat ganze Johr över op een tokaam kann, is man jo doch. Nu is mi kortens so'n Johreshoroskop ünnerkaam, wetenschoplich mit Computer utrekent un vun klooke Astrologiefachlüüd to Poppier bröcht. Tominnst stunn dat so in dat Blatt, wat mi bi mien Tähndokter in sien Tööfruum vör de Klüsen keem. Ik heff dat gründlich dörchstudeert, weer achteran aver jüst so dösig, wat mien Tokunft angeiht. Meist keen klooke Satz, de nich mit anner Vörherseggen glatt wedder kaputt to kriegen weer.

Steenbock, Wikimedia Commons
Steenbock, Wikimedia Commons

Dat is jo aver ok nich slecht, wenn man sik jümmer utsöken kann, wat bi de ganze Prophetenkraam op't best gefalln deit. So lett sik jo veel trechtbögen, bit man denn sien Horoskop för dat ganze Johr paraat hett. Un so kannst di denn op allns inrichten, wat di so Stück för Stück in de Mööt kümmt.

Glieks Januar-Maand, so lees ik, stunn mi günstig en lütte Familienfest in't Huus. Kunststück, as Steenbuck bin ik Anfang dat Johr an'e Reeg un krieg denn to mien Geburtsdag de Familie, Navers un Frünnen op'n Dutt. Aver Tüünkraam weer't mit dat günstige Fest liekers. Bi dat brenne mi nämlich en vun mien Besöök mit sien Zigarr en düchtige Lock in mien kommodige Fernsehsessel. Wat dorbi denn wull günstig sien schull, heff ik mi achteran fraagt.

Ik schull man nich op alle Hochtieden danzen, steiht in mien Horoskop för Februar. Dorbi sind blots Vereensbälle un Füerwehrvergnögen anseggt. Keen Hochtiet in Sicht. Neuanschaffungen vor Ostern erledigen — so is mi dat för März vörslagen. Eegentlich harr ik nix antoschaffen, aver nu mutt ik mi man wat utdenken, dormit ik mien Steernkieker nich in Stich laat. Un he mi nich glieks achteran, denn dor liggt för mi en "Romanze" in de Luft. Dunnerslag, wenn dat mien Fru mitkriegen deit! Schient aver so to kaam, denn in'e Mai trecken düüstere Wulken op. Is denn wull nix mit stille Romanz un so.

Düster Wulken, Wikimedia Commons/Tom Adams
Düster Wulken, Wikimedia Commons/Tom Adams

De Sommermaanden över mutt ik mi trüchhooln, tominnst bi de Arbeit. Seggt mien Steernkieker. Nu bin ik jo nich so gau op Draff to krieDeertenkrinkgen, dormit ik doch man jo düchtig wat vun mien Panschoon heff. Dat ik to Harvst mit en Energieschub to reken heff, kann wull ok blots bi so'n dwatschen Kraam to Poppier bröcht warrn. Ik sitt jo as Beamte warm un dröög, wat schull ik dor wull mit so'n Schups opstelln. Glieks twee Reegen wiederlangs steiht denn aver ok, dat ik mi vör to hitzige Hanneln wohren mutt. Na also, keen Grund, sik över unvermodens veel Schufterie to Harvst nu al Gedanken to maken. Honoreert krieg ik dat doch nich, wenn mien Horoskop mi ok för November mehr Lohn in Utsicht stelln deit. Mien Gewerkschaft kann eerst to Fröhjohr dat nächste Johr wedder mit Gebrüll un Trillerpiepen opmucken, vörher is nix to maken.

Nee, so'n Wiesseggen vun Steernkiekers is nix as Tüünkraam. För Dezember sind mi gröttere Utgaven vörutseggt, aver dat is üm Wiehnachten jo nich so swoor un denken sik ut. Nix as Quatsch, so'n Horoskop!

Deertenkrink, Wikimedia Commons/Giovanni Fontana
Deertenkrink, Wikimedia Commons/Giovanni Fontana

Bit mi infull, dat — wenn mi to Enn vun't Johr anner Lüüd noch dat Geld afknöpen köönt — ik denn jo op jeden Fall noch fix mitmischen kann, wull ok gesundheitlich. Dorüm will ik nu man höpen, dat sik mien Steernkieker nich verdaan hett — wenn ik ok miendaag so'n Spökels nich an gloven doo. Oder doch?


19.2.2009


na baven