Wiesn-Nachklang

vun Wolfhard Sauerbrey


In München gifft dat een Gesett,
dat finn ik heel gediegen:
exaktens na Klock twölv, da kannst
du dor keen Wittwust kriegen!



Du glövst dat woll nich, man dat lehrt
se al de lütten Göhrn:
"Die Weißwurscht darf bei uns nicht mehr
das Mittagsläuten hör'n!"



Nah twölf — da gifft dat keen Gesett;
denn dor is allemal,
wat du mang diene Tähnen kriggst,
de Bayern schietegal!

Dat gull ok düt Johr. Wiesn-Tied.
Miteens, da geev dat Stried,
eerst weer dat 'n Beerglas-Haueree,
un denn, denn weer 't so wiet.



Een Ire weer 't, de wull vun 'n Keerl
afsluuts 'n Sätisfäkschen,
un as he de nich geven wull,
denn geev di dat full Äkschen.
In sienen Brass harr üm sik her
he allens wull vergeten,
un — Raps! — dor harr den annern he
al fix dat Ohr afbeten.
— So steiht't in 'n Polizeibericht.
De Mann keem ut Westfalen.
De eerste Schritt is ja nu klor:
anneihen un betahlen!



Nu wart dat för Seehofer eng:
foorts brukt wi nee Gesetten,
denn anners sünd Westfalen-Ohrn
vör Bieters nich to retten!
Villicht steiht bald vör jeden Krog
een Schild:


Bild Wittwust: cyclonebill/Wikimedia Commons

1.11.2015


na baven