Political Correctness

vun Wolfhard Sauerbrey


Wenn de Advent kümmt, denn is dat so wiet:
denn seh ik jüst as in de Kinnertied
dor in de Krüff, bi'e Schaap so blangenan,
so'n lütten, frömden, stillen, swatten Mann.

De stünn un sweeg un kiek uns an, un denn,
denn steken wi den extra sparten Penn —
rin in den Slitz! Un wenn de full un klickt,
denn hett de Mohr mit eens uns togenickt!
"Nickneger" heet de Mann; dat weer begäng:
in jene Tieden weer dat nich so eng.
"Schwarzafrikaner" warrt dat hüüt so nennt,
normale Bürger mit Extrempigment!

Un nu, miteens, an't Enn vun't ole Jahr —
wat ännert sik dor dat Vokabular?!

Dor schall't in Düütschland, so in welk Rebeeten,
"Willkommenstied" anstatts "Advent" nu heten!
Un "Sonne-Mond-un-Sterne-Fest" — woher
weet een, dat dat de "Martinsdag" mal weer?


Martinsdag in November as Sünnen-Fest? Äähhh...

De "Weihnachtsmarkt" heet "Winterfest" nu slicht,
"Weihnachtsbeleuchtung" warrt to'n "Winterlicht".
Un wullt du to den Glöhwien denn to'n Sluss
so'n leckern "Mohrenkopf", so'n "Negerkuss",
denn seggt se: "heet jetzt leider Schaumkuss", und
de hett'n "Migratschonschen Hintergrund".


Is dat rassistisch, en swatten Minschen geern to küssen?!
An düsse Krüff sünd alle witt, ok de Mohren

Dat Höögst: Dor kaamt welk mit so'n Gender-Spleen,
de meent: DER Gott? Is de denn maskulin?
Dat heet DIE Gott! Un welke seggt pauschal:
dat heet DAT Gott — denn Gott, de is neutral!
(Ik heff Ju düsse Bispeel nich erdichtet:
Dorvun hebbt mennig Bläder al berichtet!)

Mien Gott, wat sünd dat doch för leege Tieden!
Ik, för mien Deel, bliev bi de "Wiehnacht" dran,
ik mag "Advent" un "Martin" bannig lieden,
un an mien "Gott", dor langt mi keeneen an!
Un töövt wi dree, veer Johr, un noch so'n beten,
denn sünd all düsse niegen Wöör vergeten!



Foto Wiehnachtsboom: Elke Tegtmeyer

20.12.2016


na baven