De Tied hett 2022 dreiht
Wat een all lang umdrifft …

vun Adeline Erika Decker

Strukturwannel meent: Veel is in den demokrat'schen Staat nu antopacken.

Tosamensacken von Banken weer 2008. 2015 Migratschoon weltwiet. Wi schafft dat!

Rund um de Welt: 2020 Pandemie un unselig veele Dode. Minschen tegen dat Immunisern.

Umverdeeln von unnen na baven — de Minschenmassen möten utglieken.

Kunstlich maakte Not un nu noch Krieg in Europa.

Tantiemen for unrechtet Wertpopier un Bitcoins loopt an de Weltbörsen.

Uhus warrn de Unnerhunnertjöhrigen nömt — wat verstickt de Spraake hier?

Rohöl, Gas, Weten: in New York warrt spekelert — de Hungersnot kummt weltwiet.

Wollstand gellt nich for alle. Kinner, oole Minschen un besünners Froons draap Not.

Arbeit, buten Lands brocht, Armot wiest sik at Hartz IV-Minschen un Fe-Migranten.

Nie, nie, nie, nie wedder Krieg! Düsse kunstlich maakte Not kriggt Toloop.

Nümmer geev dat so veele oole Minschen at vandaag.

Een Umdenken mutt her — kann een veel over lesen. Instahn for den Freden, Hülp överall.

Leven is een quäält Lachen vun de Politikers, dorto vun ehr Querdenkers.

STRUKTURWANNEL?!

Strukturwannel is en Umbo von wirtschops-soziolen un politischen Bewegen, wat dör't heele Volk geiht.

Schölers un junge Minschen hebbt dat Wort "demographischen Wannel" so licht op te Tung' at de Wöör: Cola, Disco un Computer. Dorbi schulln us Kinner — un Kinneskinner! — dat beter hebben.

Volksunroh: Vandaag meent Hartz IV, Kinner-, Ollersarmot un Migratschoon ok noch Krieg.