En Hymne op dat THW

vun Ewald Eden


 

Dat „Technische Hülpswark“ is överall dor,
'neem Minschen in Noot sünd, dat is doch woll kloor.
Wi helpt mit de Technik, mit plietsche Maschiens —
de richtige Reedschap is jümmers wat Fiens!

Wi söökt un wi findt,
wi stütt, stüürt un pumpt —
egaal wo wi sünd,
wi warkt, bit dat slumpt!

Wi fraagt gor nich lang, wodennig dat keem;
wi jumpt in de Bresche un helpt all un een,
un wenn't vigeliensch warrt, denn sünd wi präsent
as Helpers in'n Blaumann, de jedereen kennt!

Wi söökt un wi findt,
wi stütt, stüürt un pumpt —
egaal wo wi sünd,
wi warkt, bit dat slumpt!

Bi Unfall orr Diekbrook orr Flootkatastrooph,
dor roopt ji uns an, denn ji sünd ja nich doof!
Un wüllt ji geern sülven ok helpen, na dann
kaamt eenfach to uns un denn packt ji mit an!

Wi söökt un wi findt,
wi stütt, stüürt un pumpt —
egaal wo wi sünd,
wi warkt, bit dat slumpt!


Bild 2: Chefkoch/Wikimedia Commons
Bild 3: Jugendstiftung Baden-Württemberg/Wikimedia Commons

30.8.2021


na baven