Ik verstah de Welt nich mehr
(Heff ik man al nie nich so richtig doon)

vun Meike Balzer-Fraun

Alleen bi’t Dörchblädern an’n Fröhstücksdisch kemen mi de groten Överschriften in de Mööt:

1. In Bremen un Neddersassen luert 48100 lüttje Kinner op en Platz in en Kinnerdaagssteed.
2. Scholz stimmt uns al mal op’n Spoorkurs in.
3. Bi allerhand Lüüd warrt nich anbööt.
4. De Dokters wüllt gau Verlichtern hebben.
5. De Folgen vun’n Klimawannel warrt scharper.

De Kriegen in Oost un Süüd weren natürlich ok wedder grote Themen.
Un so as männicheen Morgen dünk mi, dat dat beter weer, dat Blatt laterhen un nich op nüchtern Maag to lesen.

Gifft ja apenbor rein gor nix Schööns mehr op de Welt.
Oder doch?

Op de Sieden vun de Weertschop warrt uns Moot tospraken:

1. De Hannel mit Prunk schütt düchtig op.
2. To’t Wiehnachtsfest hefft de Düütschen starke Lust to’n Inköpen.

Na, denn is ja allens allerbest!

Wo schall ik miene Enkelkinner blots de Welt verkloren?

Besinnliche Festdaag!