Wees fief Minuten still
2. Mai


Andacht vun Heinrich Giesen, in Platt bröcht vun Marlou Lessing

Düt is de Apenbaarn vun Jesus Christus.

Apenbaarn 1, 1

Wöörtlich steiht dor: Düt is de Enthülln. Enthülln, dat bringt de Illustreerten. Wat nüms tovöör wüss, warrt dor enthüllt. Wat nüms ahnen dä, kriggt da alle Welt to weten. Wat nüms wies warrn kunn, warrt da as grote Överraschen swatt op witt ünner de Lü bröcht.

Ganze Leeskrinken leevt davun, dat Minschen ehr Sünndagnameddagen damit tobringt, de opregendsten Saken, even Enthülln, to lesen.
Wat reegt us noch op?
Düt is de Enthülln vun Jesus Christus.
Reegt us de Bibel op?
Sünd wi so afstumpft, dat us nich mehr ünner de Huut geiht, wat vun em vertellt warrt? Dorbi geiht dat us an. Denn sin Enthülln enthüllt us, seggt de Wohrheit över us, wiest, wokeen wi sünd. Man wokeen will noch de Wohrheit över sik höörn?

O Gott un Herr, bewohr us davör, dat wi us an den Christenstand wennen doot! Hillig us dääglich, maak us hillig in din Wohrheit.


4.5.2008


na baven